मुंबईः अभिनेत्री सोनम कपूर पती आनंद आहूजासह लंडनला रवाना झाली आहे. तिला यामुळे झालेला आनंद ती लपवू शकलेली नाही. आपल्या प्रवासाची झलक सांगण्यासाठी तिने इन्स्टाग्राम स्टोरीजवर फोटो शेअर केले आहेत.
फोटोंच्या या मालिकेमध्ये ती विमान प्रवासामध्ये मास्क घातलेली दिसत आहे. पती आनंद आहूजा तिच्या शेजारी आहे.
तिच्या नुकत्याच शेअर झालेल्या इन्स्टाग्राम पोस्टवरून ती लंडनमध्ये असल्याचे उघड झाले आहे.
विमानातून लंडनचे दृश्य शेअर करताना सोनमने लिहिले: "लंडन मी परत आले. खूप सुंदर."
हेही वाचा -बंद जागेत शूटिंग आणि डबिंग करणे धोक्याचे - शेखर कपूर
यापूर्वी सोनमने दिल्लीत तीन महिन्यांचा कालावधी लॉकडाउनमध्ये घालवला होता. 9 जून रोजी तिच्या वाढदिवसाच्या आधी आई-वडिलांसह भावंडांकडे भेटीसाठी मुंबईला आली होती.
कामाच्या पातळीवर सोनम शेवटच्या वेळी 'झोया फॅक्टर'मध्ये दिसली होती, ज्यात मल्याळम स्टार दलकेर सलमान देखील होता. अनुजा चौहान यांनी लिहिलेल्या त्याच नावाच्या पुस्तकावर आधारित हा चित्रपट फारसा यश मिळवू शकला नव्हता.