बहुप्रतीक्षित 'मिर्झापूर'चा ट्रेलर या तारखेला होणार रिलीज

मिर्झापूर या वेब सीरिजच्या दुसऱ्या भागाची प्रतीक्षा चाहते करीत आहेत. येत्या ६ ऑक्टोबरला या सिरीजचा ट्रेलर रिलीज करण्यात येणार आहे.

मुंबई - मिर्झापूर या गाजलेल्या वेब-सीरिजचा दुसरा भाग प्रेक्षकांच्या भेटीसाठी येत आहे. या सीरिजचा बहुप्रतीक्षित ट्रेलर आता ६ ऑक्टोबरला दुपारी १ वाजता रिलीज होणार आहे. ट्रेलर येत असल्याची घोषणा प्राइम व्हिडीओने केली आहे.

मिर्झापूर या वेब-सीरिजच्या सीझन 2मध्ये पंकज त्रिपाठी कालिन भैय्या ही लोकप्रिय व्यक्तीरेखा साकारत आहे. अली फजल गुडडूच्या भूमिकेत, दिव्येंदू शर्मा मुन्ना भैयाच्या भूमिकेत आणि श्वेता त्रिपाठी गोलू म्हणून प्रेक्षकांचे मनोरंजन करणार आहेत.

मिर्झापूरचे दिग्दर्शन गुरमीतसिंग आणि मिहिर देसाई यांनी केले आहे, पुनित कृष्णा, रितेश सिद्धवाणी आणि फरहान अख्तर निर्मित एक्सेल एन्टरटेन्मेंट या बॅनरखाली या वेब-सीरिजची निर्मिती करण्यात आली आहे.