‘माझ्या नवऱ्याची बायको’ या टीव्ही मालिकेतील शनाया या व्यक्तीरेखेमुळे मराठी घराघरात पोहोचलेली अभिनेत्री रसिका सुनिल विवाहबंधनात अडकली आहे. रसिकाने बॉयफ्रेंड आदित्य बिलागीशी विवाह गाठ बांधली आहे. अभिनेत्री रसिका आणि आदित्य बऱ्याच काळापासून डेट करीत होते व रिलेशनशिपमध्ये होते. रसिकाने त्यांच्या लग्नाचा एक फोटो शेअर केला आहे.
रसिकाने तिच्या इन्स्टाग्रामवर फोटो शेअर केला आहे. रसिका व आदित्यने गोव्यात लग्न केले आहे. सप्तपदीचा फोटो शेअर करत ‘१८ ऑक्टोबर २०२१, बीचवर रस्की वेड्स आदि’, असं कॅप्शन तिने या फोटोला दिलं आहे. त्या दोघांनी १८ ऑक्टोबर रोजी लग्न केले होते. लग्नानंतर बारा दिवसांनी फोटो सोशल मीडियावर शेअर करीत आपल्या लग्नाची बातमी चाहत्यांना दिली आहे. अनेक चाहत्यांनी तिला लग्नाच्या शुभेच्छा दिल्या आहेत.