मुंबई -अभिनेता जॉन अब्राहमचा आगामी मल्टीस्टारर 'पागलपंती' हा चित्रपट लवकरच प्रेक्षकांच्या भेटीला येणार आहे. काही दिवसांपूर्वीच या चित्रपटाचा धमाल ट्रेलर प्रदर्शित झाला आहे. सोशल मीडियावर ट्रेलरला चाहत्यांचा चांगला प्रतिसादही मिळाला. आता या चित्रपटातील यो यो हनी सिंगच्या आवाजातील नवं गाणं प्रदर्शित करण्यात आलं आहे.
जॉन अब्राहम, अरशद वारसी, पुलकीत सम्राट, क्रिती खरबंदा, इलियाना डिक्रुज आणि उर्वशी रौतेला यांची मुख्य भूमिका या चित्रपटात पाहायाला मिळणार आहे. 'ठुमका' या नव्या गाण्यात यो यो हनी सिंगच्या आवाजातील धमाल रॅपची जादु पुन्हा अनुभवायला मिळते.
हेही वाचा -जॉन अब्राहम, अर्शद वारसी, अनिल कपूर आणि पुलकित सम्राट यांच्या 'पागलपंती'चे हॅलोविन पोस्टर
सोशल मीडियावर सध्या या गाण्याला चाहत्यांचा चांगला प्रतिसाद मिळत आहे. या चित्रपटाच्या माध्यमातून जॉन बऱ्याच दिवसानंतर कॉमेडी चित्रपटात झळकणार आहे.