मुंबई - अभिनेत्री सुश्मिता सेनने एक फोटो शेअर केलाय. यात तिने एक सुंदर अंगठी घातलेली दिसते. यानंतर तिने साखरपुडा केल्याच्या चर्चेला उधाण आले आहे.
सुश्मिता सेन गेली काही दिवस रोहमन शॉल या मित्रासोबत डेटींग करीत असल्याची चर्चा होती. तिच्या इनस्टाग्रामवरील पोस्ट पाहिल्यानंतर याचा प्रत्यय येतो. दोघांचे किती प्रेम आहे हे त्यांच्या फोटोवरुन लक्षात येते. अलिकडचा तिचा फोटो पाहिला की हे नाते आता पुढच्या टप्प्यावर पोहोचल्याचे दिसते.
सुश्मिताने इन्स्टाग्रामवर रोहमनसोबतची सेल्फी शेअर केली आहे. यात ही जोडी खूप सुंदर दिसत आहे. यात सर्वाधिक लक्ष वेधणारी कोणती गोष्ट असेल तर बोटातील सुंदर अंगठी.