मुंबई- मराठी तसेच हिंदी सिनेसृष्टीतील लोकप्रिय जोडी म्हणून रितेश देशमुख आणि जेनेलिया डिसूजा - देशमुख यांना ओळखलं जातं. सोशल मीडियातही या जोडीची चर्चा असते. तसेच, त्यांची लोकप्रियताही मोठ्या प्रमाणावर आहे. बरीच वर्ष एकमेकांना डेट केल्यानंतर त्यांनी लग्नगाठ बांधली. दोन मुलांचे ते आईवडिलही आहेत. मात्र, नेहमी एकेमेकांसाठी रोमॅन्टिक पोस्ट शेअर करणाऱ्या रितेश आणि जेनेलियाने यावेळी मात्र एकमेकांवर टीकास्त्र सोडलं आहे.
होय, रितेश आणि जेनेलिया यावेळी त्यांच्या रोमॅन्टिक पोस्टमुळे नाही, तर त्यांनी सोशल मीडियावर एकमेकांना दिलेल्या उत्तरामुळे चर्चेत आले आहेत. त्याचं ट्विट पाहून त्यांच्यात नेमकं काहीतरी बिनसलं की काय, असे प्रश्न चाहते विचारत आहेत.