मुंबई - बॉलिवूड कलाकारांसाठी त्यांच्या चाहत्याचं फार महत्व असतं. या चाहत्यांच्या प्रेमामुळेच हे स्टार्स प्रसिद्धीच्या शिखरावर पोहचतात. अशात आपल्या एखाद्या चाहत्याच्या निधनामुळे हे कलाकार दु:खी होतात. अभिनेता रणवीर सिंग याच्या एका खास चाहत्याचे मुंबईत अपघाती निधन झाले आहे. जतिन दुलेरा, असे या चाहत्याचे नाव आहे. त्याच्या निधनामुळे रणवीरही भावूक झाला. त्याने या चाहत्याला सोशल मीडियावर श्रद्धांजली वाहिली आहे.
रणवीर सिंगच्या 'या' खास चाहत्याचा अपघाती मृत्यू; रणवीरने वाहिली श्रद्धांजली
अभिनेता रणवीर सिंग याच्याही एका खास चाहत्याचे मुंबईत अपघाती निधन झाले आहे. जतिन दुलेरा असे या चाहत्याचे नाव आहे. त्याच्या निधनामुळे रणवीरही भावुक झाला. त्याने या चाहत्याला सोशल मीडियावर श्रद्धांजली वाहिली आहे.
रणवीर सिंगच्या 'या' खास चाहत्याचा अपघाती मृत्यू; रणवीरने वाहिली श्रद्धांजली
फोटो जर्नलिस्ट विराल भयानी यांनी या चाहत्याचे काही फोटो सोशल मीडियावर शेअर केले आहेत. जतिनचे काही फोटो पोस्ट करत त्यांनी लिहिलेय, 'जतिन हा नेहमीप्रमाणे कामावर जाण्यासाठी तयार झाला होता. मात्र, बाथरुममध्ये त्याचा पाय घसरला आणि तो पडला. त्याला जबर मार लागल्यामुळे त्याचा मृत्यू झाला. जतिन हा नेहमी हसतमुख राहत होता. त्याला कोणतीही वाईट सवय नव्हती. त्याच्या वडिलांचे छत्रही त्याने लहानपणीच गमावलं होतं. जतिनवर शिवाजी पार्क येथे अंत्यसंस्कार करण्यात आले.'