मुंबई- कोरोना व्हायरसच्या वाढीची सद्य स्थिती लक्षात घेऊन पंतप्रधान नरेंद्र मोदी यांनी देशभरातील लॉक डाऊनचा काळ ३ मे पर्यंत वाढवण्याची घोषणा केली आहे. यानंतर अनेक सेलेब्रिटींनी मोदी यांच्या या घोषणेचे स्वागत केले आहे.
सुपरस्टार रजनीकांत यांनी पंतप्रधान नरेंद्र मोदी यांच्या सरकारने घालून दिलेल्या मार्गदर्शक तत्वांनुसार वागण्याचा सल्ला चाहत्यांना दिलाय.
ड्रीमगर्ल हेमा मालिनी यांनीही आगामी तीन आठवडे लॉक डाऊनसाठी सहकार्य करण्याचे आवाहन केले आहे. हेमा मालिनी यांनी ट्विटरवर लिहिलंय, आपण देशभर लागू झालेल्या ३ आठवड्याचा लॉक डाऊनचा काळ यशस्वी पूर्ण केला. यातून कोरोनाचे संक्रमण थांबवण्यात आपण यशस्वी झालोय. नरेंद्र मोदीजी यांनी आगामी ३ आठवड्यासाठी लागू केलेल्या लॉक डाऊनला सहकार्य करा. आपल्या भल्यासाठी, कायद्याचे उल्लंघन करु नका.