मुंबई -बॉलिवूडची देसी गर्ल प्रियांका चोप्रा लवकरच 'द स्काय ईझ पिंक' या चित्रपटातून प्रेक्षकांच्या भेटीला येणार आहे. या चित्रपटाचा ट्रेलर काहीच दिवसांपूर्वी प्रेक्षकांच्या भेटीला आला आहे. लग्नानंतर प्रियांका पहिल्यांदाच पडद्यावर पाहायला मिळणार असल्यामुळे चाहत्यांनाही या चित्रपटाची आतुरता आहे. सध्या या चित्रपटाच्या प्रमोशनमध्ये ती व्यग्र आहे. लवकरच ती 'डान्स दिवाने' या कार्यक्रमात हजेरी लावणार आहे. या कार्यक्रमाच्या एका प्रोमोमध्ये ती माधुरी दिक्षीतसोबत 'पिंगा' गाण्यावर डान्स करताना दिसणार आहे.
माधुरी दिक्षीतच्या नृत्याचीही प्रेक्षकांवर भूरळ पाहायला मिळते. त्यामुळे या कार्यक्रमात दोघींचाही धमाल डान्स पाहायला मिळणार आहे. देवदास चित्रपटातील 'डोला रे डोला' या गाण्यावरही दोघींनी ठेका धरला होता.
हेही वाचा -'आराधना' गोल्डन जुबली: 'असा' चित्रपट ज्याने हिंदी सिनेसृष्टीचा चेहरामोहरा बदलला