मुंबई - श्रेयस तळपदे, आफताब शिवदासनी आणि विजयराज यांच्या 'सेटर्स' चित्रपटाच्या प्रदर्शनाची तारीख बदलण्यात आली आहे. काही दिवसांपूर्वी या चित्रपटाचा पहिला लूक प्रदर्शित करण्यात आला होता. तसेच या चित्रपटाच्या प्रदर्शनाची तारीखही जाहीर करण्यात आली होती. मात्र, आता या तारखेत बदल करण्यात आला आहे.
'सेटर्स' चित्रपटाच्या प्रदर्शनाची तारीख बदलली, आता 'या' तारखेला होणार रिलीज!
श्रेयस तळपदे सोनाली सेहगल, इशीता दत्ता, पवन मल्होत्रा, विजय राज, जमील खान हे कलाकार या चित्रपटात झळकणार आहेत. या चित्रपटाच्या माध्यमातून अभिनेता आफताब शिवदासनी हा तब्बल दीड वर्षानंतर पडद्यावर पाहायला मिळणार आहे.
'सेटर्स' चित्रपटाच्या प्रदर्शनाची तारीख बदलली
सुरुवातीला हा चित्रपट १२ एप्रिलला प्रदर्शित होणार होता. मात्र, आता हा चित्रपट ३ मे'ला प्रदर्शित होणार आहे.
चित्रपट समीक्षक तरण आदर्श यांनी या चित्रपटाचे पोस्टर ट्विटरवर शेअर केले आहे. या पोस्टरमध्ये चित्रपटातील सर्व स्टारकास्ट दिसत आहे. श्रेयस तळपदे सोनाली सेहगल, इशीता दत्ता, पवन मल्होत्रा, विजय राज, जमील खान हे कलाकार या चित्रपटात झळकणार आहेत. या चित्रपटाच्या माध्यमातून अभिनेता आफताब शिवदासनी हा तब्बल दीड वर्षानंतर पडद्यावर पाहायला मिळणार आहे.
'सेटर्स' चित्रपट हा एक थ्रिलरपट असणार आहे. या चित्रपटाचे शूटिंग मुंबई, जयपूर आणि दिल्ली या ठिकाणी झाले आहे. चित्रपटाचे संगित सलीम-सुलेमान यांनी दिले आहे. तर, दिग्दर्शन अश्विनी चौधरी करत आहे.