७०० लोक आणि ३ महिन्यांच्या कठोर परिश्रमानंतर बनला 'कलंक'चा भव्यदिव्य सेट, पाहा मेकिंग व्हिडिओ

एखाद्या चित्रपटासाठी कलाकार जेवढी मेहनत घेतात. त्यापेक्षा पडद्यामागील लोकंही कठीण परिश्रम घेत असतात. 'कलंक'चा सेट तयार करण्याकरता तब्बल ७०० पेक्षा अधिक लोकांनी ३ महिने या सेटचे काम केले आहे. हा सेट एखाद्या शहरासारखा उभा करण्यात आला आहे.

मुंबई - बॉलिवूडमध्ये सध्या मल्टीस्टारर 'कलंक' चित्रपटाची बरीच चर्चा आहे. टीजर पासून ते ट्रेलरपर्यंत हा चित्रपट प्रेक्षकांची उत्कंठा आणखी वाढवत आहे. चित्रपटाच्या ट्रेलरमध्ये कलाकारांच्या लूक्ससोबतच यातील भव्यदिव्य सेटही आकर्षणीय ठरले आहेत. मात्र, त्यासाठी त्याचप्रकारची कठोर मेहनतही घेतली आहे. या चित्रपटाच्या मेकिंग व्हिडिओमध्ये ही सर्व मेहनत पाहायला मिळते.

एखाद्या चित्रपटासाठी कलाकार जेवढी मेहनत घेतात. त्यापेक्षा पडद्यामागील लोकंही कठीण परिश्रम घेत असतात. 'कलंक'चा सेट तयार करण्याकरता तब्बल ७०० पेक्षा अधिक लोकांनी ३ महिने या सेटचे काम केले आहे. हा सेट एखाद्या शहरासारखा उभा करण्यात आला आहे. या व्हिडिओवरुन चित्रपटासाठी बराच पैसा खर्च करण्यात आला असावा, असा अंदाज येतो.

करण जोहरने 'कलंक'चं जग प्रेक्षकांना पाहता यावे, याकरता हा व्हिडिओ सोशल मीडियावर शेअर केल आहे. यात वरुण धवन या जगाची ओळख करुन देताना दिसतो. एका माध्यमाने दिलेल्या वृत्तानुसार, अमृता महल यांनी या चित्रपटाचा सेट डिझाईन केला आहे. या सेटला 'हुस्नाबाद' असे नाव दिले आहे. हा चित्रपट स्वातंत्र्यपूर्व काळातील असल्यामुळे तसा काळ दाखविण्यासाठी त्याच पद्धतीचा सेट उभारण्यात आला होता.

या चित्रपटात वरुण धवन, आलिया भट्ट, संजय दत्त, माधुरी दिक्षित, आदित्य रॉय कपूर आणि सोनाक्षी सिन्हा, अशी स्टारकास्ट झळकणार आहे. येत्या १७ एप्रिलला हा चित्रपट प्रेक्षकांच्या भेटीला येणार आहे.