मुंबई - 'धडक' फेम ईशान खट्टर लवकरच अनन्या पांडेसोबत आगामी चित्रपटात दिसणार आहे. अनन्याने याचवर्षी 'स्टूडंट ऑफ द ईयर २' चित्रपटातून पदार्पण केलं आहे. तिच्या अभिनयाची कलाविश्वात प्रशंसाही होत आहे. त्यामुळेच आगामी चित्रपटांसाठी अनन्याला ऑफर्स देण्यात येत आहेत. आता ती ईशान खट्टर सोबतदेखील भूमिका साकारताना दिसणार आहे.
ईशान खट्टर आणि अनन्या पांडे यांची जोडी आगामी 'काली पीली' या चित्रपटात झळकणार आहे. या चित्रपटाचे शूटिंग सप्टेंबर महिन्यात सुरू होणार असल्याचेही म्हटले जात आहे. अली अब्बास जफर हे या चित्रपटाचं दिग्दर्शन करणार आहेत.