मुंबई - मल्टीस्टारर 'हाऊसफुल ४' चित्रपट सध्या प्रदर्शनाच्या वाटेवर आहे. धमाल ट्रेलरनंतर आत्तापर्यंत या चित्रपटातील ३ गाणी प्रदर्शित झाली आहेत. यापैकी 'बाला' गाण्याची क्रेझ सध्या सोशल मीडियावर पाहायला मिळते. अशातच आता या चित्रपटातील 'छम्मो' हे गाणं प्रदर्शित करण्यात आलं आहे. अक्षयने त्याच्या ट्विटर अकाऊंटवर या गाण्याची लिंक शेअर केली आहे.
अक्षय कुमार, रितेश देशमुख, बॉबी देओल, क्रिती सेनॉन, क्रिती खरबंदा, पुजा हेगडे, हे कलाकार या चित्रपटात मुख्य भूमिकेत आहेत. 'छम्मो' गाण्यात या सर्व कलाकारांचा धमाल डान्स पाहायला मिळतो. या गाण्याचं शूटिंग भव्यदिव्य अशा सीतमगड येथील राजवाड्यात करण्यात आलं आहे.
हेही वाचा -'बाहुबली' ठरला लंडनच्या 'रॉयल अल्बर्ट हॉल'मध्ये प्रदर्शित होणारा पहिला नॉन-इंग्लिश चित्रपट