स्वतःचे संरक्षण कसे करावे हे मुलांना शिकवायला हवे - आयुष्मान खुराणा

मुले आपले संरक्षण कसे करु शकतील हे त्यांना समजावून सांगण्याची गरज असल्याचे मत अभिनेता आयुष्यमान खुराणा याने व्यक्त केले आहे. तो युनिसेफचा सेलिब्रेटी अ‍ॅडव्होकेट म्हणून काम पाहात आहे. जागतिक मानवाधिकार दिनानिमित्त आयुष्यमान बोलत होता.

मुंबई - जागतिक मानवाधिकार दिनानिमित्त युनिसेफचे सेलिब्रेटी अ‍ॅडव्होकेट अभिनेता आयुष्मान खुराणा यांनी मुलांचे संरक्षण आणि सुरक्षित वातावरणात त्यांची वाढ होण्यासाठी भाष्य केले.

आयुष्मान म्हणाला, "हिंसाचार रोखला जाऊ शकतो आणि त्याला रोखले पाहिजे. आई वडिल, शिक्षक, समाजातील सदस्य आणि आपली स्वतःची जबाबदारी अशी आमची भूमिका आहे, ज्याचे आपण पालन केले पाहिजे. मुलांना हे समजावून सांगण्यासाठी त्यांच्यापर्यंत पोहोचण्याची गरज आहे. ते आपल्या आई वडिलांना किंवा १०९८ वर कॉल करून त्यांच्यावर होत असलेल्या हिंसेबद्दल बोलू शकतात. ते स्वतःचे रक्षण करु शकतात हे त्यांना समजवण्यासाठी त्यांना मदत करणे गरजेचे आहे.

हेही वाचा - चित्रपटाच्या सेटवर परतल्याचा मला आनंद आहे - ताहिर राज भसीन

आयुष्मान पुढे म्हणाला, "त्यांच्या वागण्यात होणारे बदल समजून घेण्यासाठी आणि त्याला प्रतिसाद देण्यासाठी आम्ही त्यांना मदत केली पाहिजे."

हेही वाचा - निक जोनास 'टेक्स्ट फॉर यू' चित्रपटात करणार प्रियंकासोबत भूमिका