मुंबई - 'इंडिया फिल्म प्रोजेक्ट' (कंटेट क्रिऐशन फेस्टिव्हल) १२ आणि १३ ऑक्टोंबरला आयोजित करण्यात आला होता. या सोहळ्यात बॉलिवूडच्या बऱ्याच कलाकारांनी हजेरी लावली होती. यामध्ये राजकुमार राव, अपारशक्ती खुराना, राधिका मदन, जिम सर्भ, किर्ती कुल्हारी आणि गुलशन देवैय्या यांचाही सहभाग होता. या कार्यक्रमात कलाकारांनी आपल्या सिनेकारकिर्दितील काही अनुभव शेअर केले.
माध्यमांशी बोलत असताना अभिनेत्री राधिका मदनने तिच्या चित्रपटांविषयी काही किस्से सांगितले. तिचा काही महिन्यांपूर्वीच 'मर्द को दर्द नही होता' हा चित्रपट प्रदर्शित झाला होता.
हेही वाचा -‘जेव्हा सैराटला भेटते धडक’
या चित्रपटातील तिचा सहकलाकार अभिनेता गुलशन देवैय्या हा देखील उपस्थित होता. त्यानेही आपल्या आगामी 'कमांडो ३' चित्रपटाबद्दल माहिती दिली. या चित्रपटाबद्दल फार अपेक्षा असल्याचंही तो यावेळी म्हणाला.