मुंबई -बॉलिवूडचे 'शहनशाह' महानायक अमिताभ बच्चन आज त्यांचा ७७ वा वाढदिवस साजरा करत आहेत. आपल्या सिनेकारकिर्दित त्यांनी आत्तापर्यंत २०० पेक्षा जास्त चित्रपटांमध्ये भूमिका साकारली आहे. आपल्या अभिनयासोबतच ते आपल्या हटके लूक्समुळेही चर्चेत राहतात.
वर्षानुवर्षापासून त्यांच्या व्यक्तिमत्वाची क्रेझ पाहायला मिळते. आजही ते आपल्या हटके स्टाईलमुळे चर्चेत असतात. त्यांच्या याच लूक्सकडे पाहुन फॅशनची नवी व्याख्या सिद्ध होते.
बिग बी चित्रपटाच्या कथानकाप्रमाणेच त्यांच्या लूक्सकडेही जास्त लक्ष देतात. आपला लूक नेहमीपेक्षा वेगळा असावा यासाठी ते वेगवेगळे प्रयोगही करताना दिसतात. बऱ्याच चित्रपटांमध्ये त्यांनी भल्याभल्यांना थक्क करतील असे लूक साकारले आहेत.