मुंबई -जगात आपल्या चेहऱ्यासारखे एकुण ७ चेहरे असतात असं म्हटलं जातं. जगाच्या विविध कोपऱ्यात आपल्या चेहऱ्यासारखा चेहरा शोधणं फार अवघड आहे. कधीकधी मात्र, असे चेहरे अचानक आपल्या समोर येत असतात. बॉलिवूडचा खिलाडी अक्षय कुमारसारखा हुबेहुब दिसणारा व्यक्ती सध्या सोशल मीडियामुळे चर्चेत आला आहे. त्या व्यक्तीचा फोटो पाहुन चाहतेही संभ्रमात पडले आहेत.
'माजिद मीर' असे अक्षय कुमारसारख्या दिसणाऱ्या व्यक्तीचे नाव आहे. त्याच्या आणि अक्षयच्या चेहऱ्यात भरपूर समानता आहे. त्यामुळे त्याचा फोटो सोशल मीडियावर व्हायरल झाल्यानंतर यावर अक्षयच्या चाहत्यांच्या भरभरुन प्रतिक्रिया येत आहेत. मजेशीर गोष्ट म्हणजे हा व्यक्ती अक्षय कुमारचा चाहता नसून क्रिकेटर सुनील गावस्कर यांचा चाहता आहे.