मुंबई - 'झाडे लावा झाडे जगवा' असा संदेश नेहमीच दिला जातो. मात्र, प्रत्यक्षात याची अंमलबजावणी फारच कमी लोक करताना दिसतात. मात्र, एका रिक्षा चालकाने 'पर्यावरण वाचवा' हा संदेश देण्यासाठी अनोखा प्रयोग साकारला आहे. त्याने चक्क आपल्या रिक्षामध्येच वेगवेगळ्या प्रकारची झाडे लावली आहेत. या रिक्षावाल्याचं कौतुक करत अक्षय कुमारनेही त्याचे काही फोटो सोशल मीडियावर शेअर केले आहेत.
अक्षयने हे फोटो शेअर करुन रिक्षाचालकाच्या या प्रयोगाची प्रशंसा केली आहे. आज शूटिंगला जात असताना मला एक रिक्षा दिसली जी पूर्णपणे झाडांनी व्यापलेली होती. या रिक्षाचे सुखद दर्शन घडले. तो एक आनंददायी असा क्षण होता. त्यामुळे या व्यक्तीचा मला खूप अभिमान आहे', असं कॅप्शन त्याने या फोटोंना दिले आहे.