कोड्यात टाकणारा 'मलंग'चा ट्रेलर प्रदर्शित

बऱ्याच रहस्यांनी भरलेल्या या ट्रेलरमध्ये दिशा पटाणीचा ग्लॅमरस लूक, आदित्य रॉय कपूरची शरीरयष्टी, अनील कपूर आणि कुणाल खेमूची दमदार झलक पाहायला मिळते.

मुंबई -आदित्य रॉय कपूर, दिशा पटाणी, कुणाल खेमू आणि अनिल कपूर यांची मुख्य भूमिका असलेला 'मलंग' चित्रपट लवकरच प्रेक्षकांच्या भेटीला येणार आहे. नुकताच या चित्रपटाचा ट्रेलर प्रदर्शित झाला आहे.

बऱ्याच रहस्यांनी भरलेल्या या ट्रेलरमध्ये दिशा पटाणीचा ग्लॅमरस लूक, आदित्य रॉय कपूरची शरीरयष्टी, अनिल कपूर आणि कुणाल खेमूची दमदार झलक पाहायला मिळते. यातील प्रत्येक कलाकाराच्या तोंडी असलेला 'जान लेना' हा डायलॉग या चित्रपटाची उत्कंठा वाढवतो.

काही दिवसांपूर्वी या चित्रपटातील आदित्य आणि दिशाचा रोमॅन्टिक लूक असलेला फोटो पोस्ट करण्यात आला आहे. ट्रेलरमध्येही त्याचे काही बोल्ड सिन्स पाहायला मिळतात.

या चित्रपटाचे दिग्दर्शन मोहित सुरी यांनी केले आहे. भूषण कुमार यांच्या टी-सीरिज अंतर्गत या चित्रपटाची निर्मिती करण्यात आली आहे. सुरुवातीला हा चित्रपट १४ फेब्रुवारीला प्रदर्शित होणार होता. मात्र, आता हा चित्रपट ७ फेब्रुवारीलाच प्रेक्षकांच्या भेटीला येणार आहे.