मुंबई -नागरिकत्व सुधारणा कायद्याविरोधात दिल्लीतील शाहीन बाग परिसरात मागील एक महिन्यापासून आंदोलन सुरू आहे. मुंबईतही या आंदोलनाचे पडसाद उमटले आहे. 'मुंबई बाग' या नावाने काही दिवसांपासून येथे आंदोलन सुरू आहे. या आंदोलनात बऱ्याच बॉलिवूड कलाकारांनी देखील आपले स्पष्ट मत व्यक्त केले आहे. काही कलाकार या कायद्याविरोधात आंदोलन करण्यासाठी समोर आले आहेत. यामध्ये अभिनेत्री पूजा भट्टने देखील आपली प्रतिक्रिया दिली आहे.
'राजकारणी नेत्यांना माझी विनंती आहे, की देशात उठणाऱ्या आवाजांना ऐका. देशात राहणाऱ्या महिला मग त्या शाहीन बागमधील असो किंवा लखनऊमधील, आता आम्ही थांबणार नाही. मी लोकांना याबद्दल आणखी बोलण्यासाठी प्रेरीत करेल. मी सीएए आणि एनआरसी यांचे समर्थन करत नाही. कारण, यामुळे माझे घर विभागले जाईल', अशी प्रतिक्रिया पूजा भट्टने दिली आहे.