नवी दिल्ली -अभिनय क्षेत्रातून राजकारणात एन्ट्री घेतलेली बंगाली अभिनेत्री तसेच आता तृणमूल काँग्रेसची खासदार असलेली नुसरत जहां हिने आपल्या नव्या आयुष्याची सुरुवात केली आहे. बुधवारी (१९ जून) उद्योगपती असलेल्या निखिल जैन यांच्याशी 'टर्की' येथे नुसरतने लग्नगाठ बांधली. त्यांच्या लग्नाचा एक खास व्हिडिओ सध्या सोशल मीडियावर व्हायरल होत आहे. या व्हिडिओमध्ये नववधुच्या रुपात असलेली नुसरत जहां खूपच सुंदर दिसत आहे.
अभिनेत्री ते खासदार बनलेल्या नुसरत जहां अडकल्या लग्नबेडीत, पाहा व्हिडिओ
नुसरतने त्यांच्या लग्नाचा फोटोदेखील सोशल मीडियावर शेअर केला आहे. लग्नप्रसंगी डिझायनर सब्यासाची मुखर्जीने डिझाईन केलेला लेहंगा तिने घातला होता. आपल्या लग्नाच्या फोटोवर 'निखिल जैनसबोत आनंदाच्या प्रवासाचा शुभारंभ', असे कॅप्शन नुसरतने दिले आहे.