मुंबई- बॉलिवूडची देसी गर्ल म्हणजेच प्रियांका चोप्राचा आज ३७ वा वाढदिवस. यानिमित्ताने अनेक बॉलिवूड कलाकारांनी प्रियांकाचे फोटो आपल्या सोशल मीडियावरून शेअर करत तिला शुभेच्छा दिल्या आहेत. या शुभेच्छांनी 'देसी गर्ल'चा दिवस नक्कीच खास ठरला असेल, असं म्हणणं वावगं ठरणार नाही.
'देसी गर्ल' प्रियांकावर शुभेच्छांचा वर्षाव, 'या' कलाकारांनी केल्या खास पोस्ट
बॉलिवूड कलाकारांनी प्रियांकाचे फोटो आपल्या सोशल मीडियावरून शेअर करत तिला शुभेच्छा दिल्या आहेत. या शुभेच्छांनी 'देसी गर्ल'चा दिवस नक्कीच खास ठरला असेल, असं म्हणणं वावगं ठरणार नाही.
'देसी गर्ल' प्रियांकावर शुभेच्छांचा वर्षाव
अनिल कपूर यांनी प्रियांका चोप्रासोबतचा आपला एक फोटो शेअर करत तुझं काम आणि आतापर्यंतचा प्रवास हा अनेकांना प्रेरित करणारा आहे, असं म्हटलं आहे. तर अनिल यांच्याशिवाय प्रसिद्ध डिझायनर मनीष मल्होत्रानेही प्रियांकाचा एक व्हिडिओ शेअर केला आहे. ज्यामध्ये ती डिझायनर साडीत दिसत आहे.
याशिवाय वरूण धवन, सोनम कपूर, आलिया भट्ट, माधुरी दीक्षित, भूमी पेडणेकर आणि राजकुमार राव या कलाकारांनीही प्रियांकाला शुभेच्छा दिल्या आहेत. चित्रपटांबद्दल बोलायचं झाल्यास नुकतंच प्रियांकाने आपल्या द स्काय इज पिंक चित्रपटाचं चित्रीकरण पूर्ण केलं आहे. प्रियांका, सिद्धार्थ कपूर आणि रॉनी स्क्रीवाला यांची निर्मिती असणारा हा चित्रपट ११ ऑक्टोबरला प्रेक्षकांच्या भेटीला येणार आहे.