मुंबई - शकुंतला देवी हे नाव आजही अनेकांसाठी अनोळखी आहे, कारण हे नाव लोकांपर्यंत कधी पोहचलंच नाही. म्हणूनच ह्युमन कॉम्प्युटर, अशी ओळख असणाऱया शकुंतला देवींची कथा आता मोठ्या पडद्यावर उलगडणार आहे. विद्या बालन या सिनेमात शकुंतला देवींची भूमिका साकारणार आहे.
आजपासून या सिनेमाच्या चित्रीकरणाला सुरुवात झाली आहे. चित्रपटाचं एक मोशन पोस्टर प्रदर्शित करत याबद्दलची माहिती देण्यात आली आहे. यात विद्याचा शकुंतला यांच्या पात्रातील लूक पाहायला मिळत आहे. २०२० ला उन्हाळ्यात हा सिनेमा प्रदर्शित होणार आहे. या चित्रपटाचे दिग्दर्शन अनु मेनन करत आहेत.