मुंबई - अभिनेता सुशांतसिंग राजपूत याच्या मृत्यूप्रकरणी वेगवेगळे दावे करुन चर्चेत आलेली अभिनेत्री कंगना रनौतला तिचे म्हणणे नोंदवण्यासाठी मुंबई पोलीस बोलवणार आहे. कंगनाचे म्हणणे नोंदवून घेणार असल्याच्या वृत्तानंतर आता पोलिस अधिकाऱ्यांनी, तिने पोलीस ठाण्यात प्रत्यक्ष उपस्थित राहून आपले निवेदन सादर करावे अशी मागणी केली आहे.
कंगना सध्या तिचे मूळ गाव शिमला येथे रहात आहे. मुंबई पोलिसांच्या या मागणीला उत्तर देताना कंगनाच्या टीमने असे उत्तर दिले की, कोरोना साथीच्या परिस्थितीत तिला शिमल्याहून मुंबईला येणे शक्य होणार नाही.
कंगनाच्या टीमने पोलिसांना सांगितलंय की तिला सर्व प्रश्न पाठवून द्या, ती या सर्व प्रश्नांची उत्तरे मेलद्वारे सविस्तर देण्यास तयार आहे. यापूर्वी कंगनाने म्हटले होते की तिला जबाब नोंदवायचा आहे, परंतु अद्याप पोलिसांकडून कोणतीही औपचारिक विनंती झालेली नाही.