सलमान खानच्या पोस्टमुळे चाहत्यांना आश्चर्याचा धक्का

सलमान खानने सोशल मीडियावर एक फोटो शेअर करून त्याच्या लाखो चाहत्यांना आश्चर्याचा धक्का दिला आहे. चाहत्यांना भाईजानचा फोटो आवडला आहे, मात्र सलमानने फोटोसोबत लिहिलेले कॅप्शन वाचून चाहत्यांची तारांबळ उडाली आहे.

मुंबई - दबंग खान म्हणजेच सलमान खानने सोशल मीडियावर एक फोटो शेअर करून त्याच्या लाखो-करोडो चाहत्यांना आश्चर्याचा धक्का दिला आहे. चाहत्यांना भाईजानचा फोटो आवडला आहे, मात्र सलमानने फोटोसोबत लिहिलेले कॅप्शन वाचून चाहत्यांची तारांबळ उडाली आहे. सलमानच्या चाहत्यांनी अभिनेत्याला त्याच्या कॅप्शनचा अर्थही विचारला आहे. गुरुवारी रात्री सलमानने हा फोटो शेअर केला आहे.

सलमान खानने त्याच्या इंस्टाग्रामवर शेअर केलेल्या फोटोमध्ये तो अगदी साध्या लूकमध्ये दिसत आहे. सलमानने डोक्यावर स्कार्फ बांधला आहे. हा फोटो शेअर करत सलमान खानने लिहिले आहे की, 'मी जाहिराती आणि ट्रेलर इत्यादी पोस्ट करतो. माझा स्वतःचा ब्रँड आहे, तुम्हाला समजले नाही का? सर्वांचे ऐकत आहे, मी तुम्हाला पाहतोय, मी तुम्हाला ऐकतोय, आज एक पोस्ट, उद्या एक टीझर'.

सलमान खानची सोशल मीडिया पोस्ट

सलमान खानचे हे कॅप्शन वाचून चाहत्यांचा गोंधळ उडाला आहे. भाईजानला काय म्हणायचे आहे याचा अंदाज चाहते घेत आहेत. अनेक चाहते त्याचा हा लूक सलमानच्या नवीन चित्रपट टायगर 3 शी जोडूनही पाहत आहेत.

त्याचवेळी तो त्याच्या व्यावसायिक कामाबद्दल बोलत असल्याचा अंदाजही काही जण लावत आहेत. यावर सलमान खानच्या एका चाहत्याने लिहिले, 'भाई, हे काय कॅप्शन आहे'. दुसऱ्या एका चाहत्याने लिहिले, 'भाऊ, काही समजले नाही, पण ऐकून बरे वाटले'.

सलमान खानच्या वर्कफ्रंटबद्दल बोलायचे झाले तर सध्या तो 'टायगर 3' या चित्रपटासाठी चर्चेत आहे. या चित्रपटात त्याच्यासोबत कॅटरिना कैफ पुन्हा एकदा दिसणार आहे. या चित्रपटात सलमानसोबत इमरान हाश्मी खलनायकाच्या भूमिकेत दिसणार आहे. शेवटच्या वेळी सलमान खान 'अंतिम - द फायनल ट्रुथ' या चित्रपटात दिसला होता.

हेही वाचा -Sushant Singh Death Case : सुशांत सिंह मृत्यू प्रकरणात निष्काळजीपणा झाल्याची राष्ट्रीय मानवधिकार आयोगाकडे तक्रार