मुंबई - अभिनेत्री श्रध्दा कपूर पुन्हा एकदा 'एक था व्हिलेन'चा सहकलाकार रितेश देशमुखसोबत काम करण्यासाठी सज्ज झाली आहे. साजिद नाडियादवाला यांचा हा रितेशसोबतचा सहावा चित्रपट आहे.
साजिद नाडियादवाला यांनी 'बागी' चित्रपटात टायगर श्रॉफला एक अॅक्शन हिरो म्हणून सादर केले. त्यानंतर त्याचा सीक्वेल बनला होता. आता तिसऱ्यांदा टायगर अॅक्शन धमाका करण्यासाठी 'बागी ३' मध्ये सज्ज झालाय.
श्रध्दा कपूरने ट्विट करुन आपण 'एक था व्हिलेन'चा सहकलाकार रितेश देशमुख याच्यासोबत काम करीत असल्याचे म्हटले आहे. रितेशची यात कोणती भूमिका असेल ही बाब गुलदस्त्यात आहे. हा चित्रपट ६ मार्च २०१० मध्ये रिलीज होईल.
टायगर श्रॉफ अलिकडेच धर्मा प्रॉडक्शनच्या 'स्टुडंट ऑफ द इयर २' मध्ये झळकला होता. दुसऱ्या बाजूला श्रध्दा कपूर 'साहो' या आगामी चित्रपटाच्या शूटींगमध्ये बिझी आहे. यात ती दाक्षिणात्य सुपरस्टार प्रभाससोबत काम करीत आहे.
