..म्हणून देसी गर्लला ट्रोलर्स म्हणाले RSS ब्रँड अँबेसेडर

सध्या प्रियांकाचे काही फोटो सोशल मीडियावर मोठ्या प्रमाणात व्हायरल होत आहेत. यावरूनच नेटकऱ्यांनी प्रियांकावर निशाणा साधला आहे.

मुंबई- बॉलिवूड अभिनेत्री आपल्या चित्रपटांहूनही अधिक फोटोज आणि ड्रेसमुळे चर्चेत राहतात. त्यांच्या या ड्रेसेसला काही वेळा नेटकऱ्यांची चांगलीच पसंती मिळते. तर अनेकदा याच ड्रेसमुळे अभिनेत्री सोशल मीडियावर मोठ्या प्रमाणात ट्रोल होताना दिसतात. असंच काहीसं झालं प्रियांकासोबत.

सध्या प्रियांकाचे काही फोटो सोशल मीडियावर मोठ्या प्रमाणात व्हायरल होत आहेत. या फोटोमध्ये तिने खाकी रंगाचे शॉर्टस घातले आहे. यावरूनच नेटकऱ्यांनी प्रियांकावर निशाणा साधत तिचा हा ड्रेस आरएसएसच्या पूर्वीच्या यूनिफॉर्मसोबत मिळता-जुळता असल्याचं म्हटलं आहे.

अनेकांनी तर प्रियांकानं राष्ट्रीय स्वयंसेवक संघात प्रवेश केल्याचं म्हटलं आहे. तर एका यूजरनं प्रियांकाची आरएसएसची ब्रँड अँबेसेडर म्हणून निवड झाल्याचे म्हटले आहे. ड्रेसवरून ट्रोल होण्याची ही तिची पहिली वेळ नाही. याआधीही प्रियांकाने २०१७ मध्ये मोदींची भेट घेतली असताना घातलेल्या ड्रेसमुळे तिच्यावर नेटकऱ्यांनी निशाणा साधला होता.