आपण स्वत: वर विश्वास ठेवल्यास जग आपल्यावर विश्वास ठेवेल - प्रियंका चोप्रा

प्रियंका चोप्रा जोनास आज मनोरंजन क्षेत्रात 20 वर्षे पूर्ण करत आहे. तिच्या अतुलनीय प्रवासाकडे पाहत असताना, तिने प्रशंसकांचे आभार मानण्यासाठी एक व्हिडिओ शेअर केलाय.

मुंबईः प्रियंका चोप्रा जोनास आज मनोरंजन क्षेत्रात दोन दशकांचा काळ पूर्ण करीत आहे. ती सर्व भारतीयांसाठी नेहमीच 'देसी गर्ल' राहिली आहे. आंतरराष्ट्रीय स्तरावरही आपल्या यशाची पताका फडकवत ठेवलेल्या प्रियंकाने आपल्या करियरच्या २० वर्षांचा आढवा घेतलाय. तिने सोशल मीडियावर एक व्हिडिओ शेअर केलाय.

शनिवारी, प्रियंकाने तिच्या सोशल मीडियावर, कारकीर्दीचे अनेक महत्त्वाचे टप्प्पे उलगडून दाखवणारा व्हिडिओ शेअर केला आहे. यामध्ये तिने २० वर्षामध्ये सहकार्य केलेल्या सर्वांचे आभार मानले आहेत.

व्हिडिओमध्ये प्रियंका म्हणते, "आपण स्वत: वर विश्वास ठेवल्यास जग आपल्यावर विश्वास ठेवेल," तिच्या करियरचा आलेखही तिच्या या शब्दांप्रमाणे आहे.

या आठवड्याच्या सुरूवातीस, 37 वर्षीय अभिनेत्रीने जागतिक प्रवाहातील प्लॅटफॉर्म अ‍ॅमेझॉनबरोबर दोन वर्षांचा मल्टी मिलियन डॉलर्सचा टेलिव्हिजन करार केला आहे.

हेही वाचा - गलवान व्हॅलीच्या घटनेवर आधारित चित्रपटाची निर्मिती करणार अजय देवगण

सध्या प्रियंका अ‍ॅमेझॉनबरोबर दोन टेलिव्हिजन प्रकल्पांवरही काम करत आहे. भारतीय विवाहातील संगीत या विषयावरील एक मालिका ती पती निक जोनाससोबत निर्माण करीत आहे. दुसरा प्रकल्प म्हणजे सिटाडेल, अँथनी आणि जो रुसोची गुप्तचर मालिका ज्यामध्ये प्रियंका रिचर्ड मॅडन यांच्यासोबत भूमिका साकारणार आहे.