मुंबई - आपल्या मधुर आवाजाने अनेक श्रोत्यांच्या मनावर अधिराज्य गाजवणाऱ्या आशा भोसले यांचा आज वाढदिवस. याच खास दिवशी लता मंगेशकर यांनी आशा यांच्यासाठी पोस्ट शेअर केली आहे. आज माझी लहान बहिण आशा भोसलेचा वाढदिवस आहे. मी तिला आशीर्वाद देते, की ती नेहमी आनंदी आणि तंदुरुस्त राहो, असं त्यांनी आपल्या पोस्टमध्ये म्हटलं आहे.
हेही वाचा - B'Day Spl: 'या' कारणामुळे आशा भोसले अन् लता मंगेशकर यांच्यात आला होता दुरावा
लतादीदींशिवाय अभिनेत्री काजोल आणि ऋषी कपूर यांनीही त्यांना शुभेच्छा दिल्या आहेत. काजलने त्यांच्यासोबतचा एक फोटो शेअर केला आहे. माझ्या नेहमीच आवडीच्या असलेल्या आशा भोसलेंना वाढदिवसाच्या शुभेच्छा, असं तिनं फोटोला दिलेल्या कॅप्शनमध्ये म्हटलं आहे.
ऋषी कपूर यांनीही आशाताईंसोबतचा फोटो शेअर केला आहे. ऋषी यांनी कॅप्शनमध्ये म्हटलं, वाढदिवसाच्या खूप खूप शुभेच्छा प्रिय आशा भोसले जी. पंचम यांच्या टेरेसवर साजरा केलेला तुमचा वाढदिवस आजही आठवतो. तुम्ही आमच्यासाठी जेवण बनवलं होतं. पुन्हा लवकरच भेटू.
हेही वाचा - तुम्ही फक्त कथ्थकच नाही तर खूप काही शिकवलं, वीरु कृष्णनन यांच्या निधनानं प्रियांका हळहळली