'इश्क मीठा हैं'! 'भारत'मधील नवं गाणं प्रदर्शित

२ मिनिट ४४ सेकंदांच्या या गाण्यात कॅटरिना आणि सलमानची खास केमेस्ट्री पाहायला मिळत आहे. या गाण्याला अभिजीत श्रीवास्तव यांनी आवाज दिला आहे

मुंबई- सलमान खान आणि कॅटरिना कैफ ही बॉलिवूडची मोस्ट लव्हेबल जोडी लवकरच पडद्यावर पुन्हा एकदा स्क्रीन शेअर करताना दिसणार आहे. 'भारत' या चित्रपटातून ही जोडी प्रेक्षकांच्या भेटीला येणार आहे. आता सलमान खानने आपल्या सोशल मीडिया अकाऊंटवरून चित्रपटातील नवं गाणं शेअर केलं आहे.

'चसनी' असे या गाण्याचे शीर्षक आहे. मंगळवारा सलमानने या गाण्याचा टीझर शेअर करत इश्क मीठा हैं, असं शीर्षक दिले होते. २ मिनिट ४४ सेकंदांच्या या गाण्यात कॅटरिना आणि सलमानची खास केमेस्ट्री पाहायला मिळत आहे. या गाण्याला अभिजीत श्रीवास्तव यांनी आवाज दिला आहे तर विशाल ददलानी आणि शेखर यांनी याचं संगीत दिग्दर्शन केलं आहे.

भारत चित्रपटाचे दिग्दर्शन अली अब्बास जफर यांनी केले असून अतुल अग्निहोत्री, भूषण कुमार आणि क्रिशन कुमार यांची निर्मिती आहे. या चित्रपटाच्या निमित्ताने सलमान अली अब्बास जफर यांच्यासोबत तिसऱ्यांदा काम करणार आहे. याआधी त्यांनी सुलतान आणि टाईगर जिंदा हैं चित्रपटांसाठी एकत्र काम केले आहे. दरम्यान ५ जूनला ईदच्या दिवशी हा चित्रपट प्रेक्षकांच्या भेटीला येणार आहे.