मुंबई - अमिताभ बच्चन यांना पुन्हा एकदा ट्रोलर्सच्या रोषाला सामोरे जावे लागत आहे. बिग बी यांनी एक व्हाट्सअपवरील फेक इमेज शेअर केल्यामुळे नेटकरी त्यांच्यावर भडकले आहेत.
अमिताभ बच्चन यांनी सोमवारी एक ट्विट केले आहे. यात त्यांनी एक फोटो पोस्ट केलाय. यात त्यांनी दावा केलाय की, हा फोटो भारताची सॅटेलाईट इमेज आहे. पंतप्रधान नरेंद्र मोदी यांनी ५ एप्रिलला रात्री ९ वाजून ९ मिनीटांनी. विद्युत दिवे बंद करुन पणत्या, मेणबत्या किंवा मोबाईल टॉर्च लावण्याचे आवाहन जनतेला केले होते. यावेळीची ही सॅटेलाईट इमेज असल्याचा दावा बिग बी यांनी केला होता.
अमिताभ यांनी ट्विटरवर फोटोच्या कॅप्शनमध्ये लिहिलंय, ''जग आपल्याला पाहात आहे...आपण एक आहोत.''
अमिताभ यांच्य़ा या पोस्टवर सर्व थरातून टीकेची झोड उठली आहे.