मुंबई - महानायक अमिताभ बच्चन हे सोशल मीडियावर बऱ्यापैकी सक्रिय असतात. ते नेहमी प्रेक्षकांच्या मनोरंजनासाठी काही ना काही शेअर करत असतात. सध्या कोरोना विषाणूमुळे सर्व नागरिक त्रस्त झाले आहेत. लॉकडाऊन आणखी वाढल्याने नागरिक घरी बसून कंटाळले आहेत. त्यामुळे बिग बींनी लॉकडाऊनवर आधारित एक विनोद शेअर केला आहे.
अमिताभ बच्चन यांनी एक मजेशीर फोटो शेअर करून विनोद सांगितला आहे. त्यांनी आपल्या पोस्टमध्ये लिहिलेय, की 'आता तर घरी कोणाचा फोन आला तर आपण सांगूही शकत नाही, की साहेब घरी नाहीत'. बऱ्याचदा घरी कोणाचे ना कोणाचे फोन सुरू असतात. त्यामुळे कधीकधी आपण देखील साहेब घरी नाहीत, असे सांगून मोकळे होतो. मात्र, लॉकडाऊन सुरू असल्याने सर्व घरीच असल्याने आता तो पर्याय देखील उरलेला नाही, असे बिग बींनी आपल्या विनोदातून म्हटले आहे.