मुंबई - सध्या जगभरात कोरोना विषाणूचा प्रादूर्भाव वेगाने वाढत असल्यामुळे कलाविश्वातील बरेच कलाकार आर्थिक मदतीसाठी समोर आले आहेत. लॉकडाऊनमुळे दैनंदिन मजुरांचेही हाल होत आहेत. चित्रपट, मालिका तसेच इतर कार्यक्रम रद्द झाल्यामुळे यासाठी काम करणारे मजूर बेरोजगार झाले आहेत. त्यांना आर्थिक मदत करण्यासाठी सलमान खान, शाहरुख खाननंतर आता महानायक अमिताभ बच्चन देखील पुढे सरसावले आहेत. त्यांनी तब्बल १ लाख दैनंदिन मजुर असणाऱ्या कुटुंबाला महिन्याचा राशन पुरवठा करणार असल्याची घोषणा केली आहे.
सोनी पिक्चर्स नेटवर्क्स इंडिया (एसपीएन) आणि कल्याण ज्वेलर्स यांनी अमिताभ बच्चन यांच्या या कार्याची प्रशंसा केली आहे.