हैदराबाद :व्हॉट्सअ‍ॅपचा वापर लाखो युजर्स करतात. त्यामुळं कंपनी सातत्यानं हे अ‍ॅप अपडेट करत आहे. नुकतंच व्हॉट्सअ‍ॅपनं युजर्ससाठी मेसेज शेड्यूल करण्याचं फीचर आणलं आहे. या फीचरच्या मदतीनं तुम्ही तुमच्या जवळच्या व्यक्तींना ठरलेल्या वेळेनुसार हॅप्पी बर्थडे, गुड नाईट आणि गुड मॉर्निंग सारखे मेसेज पाठवू शकाल. तुम्ही कोणताही महत्त्वाचा मेसेज शेड्यूल करू शकता आणि हा मेसेज ठरलेल्या वेळेनुसार आपोआप इतर युजर्सपर्यंत पोहोचेल.
व्हॉट्सअ‍ॅपवर मेसेज शेड्यूल करण्यासाठी थर्ड पार्टी अ‍ॅप :व्हॉट्सअ‍ॅपवर ऑटोमॅटिक मेसेज पाठवण्यासाठी थर्ड पार्टी अ‍ॅपचाही वापर केला जाऊ शकतो. या अ‍ॅप्समध्ये शेड्यूलर, ड्युएट लेटर आणि स्किडिट थर्ड पार्टी अ‍ॅप्सचा समावेश आहे. या अ‍ॅप्सच्या मदतीनं तुम्ही व्हॉट्सअ‍ॅपवर मेसेज शेड्यूल आणि पाठवू शकता. गुगल प्ले स्टोअर आणि अ‍ॅप स्टोअरवरून तुम्ही हे अ‍ॅप्स सहज डाऊनलोड करू शकता आणि काही टिप्स चा अवलंब करून मेसेज शेड्यूल करू शकता.
व्हॉट्सअ‍ॅपवर मेसेज शेड्यूल कसा करावा : व्हॉट्सअ‍ॅपवर मेसेज शेड्यूल करण्यासाठी सर्वप्रथम गुगल प्ले स्टोअर किंवा अ‍ॅप स्टोअरवरून थर्ड पार्टी अ‍ॅप डाऊनलोड करा. यानंतर फेसबुक अकाऊंटवरून साइन इन करा. आता तिथे आपले नाव, ईमेल आणि पासवर्ड टाकून खाते तयार करा. यानंतर तुमच्या ईमेलवर व्हेरिफिकेशन ईमेल येईल. याची पडताळणी केल्यानंतर तुम्ही एका सर्व्हिस पेजवर जाऊन व्हॉट्सअ‍ॅपवर क्लिक करा आणि थर्ड पार्टी अ‍ॅपला आवश्यक परवानग्या द्या. यानंतर तुम्हाला ज्या लोकांचे मेसेज शेड्यूल करायचे आहेत ते सिलेक्ट करा. आता तुम्ही या लोकांना केव्हाही मेसेज करू शकता. याव्यतिरिक्त, नियोजित संदेश पाठवण्यापूर्वी आपल्याला आपली परवानगी द्यायची असेल तर आपण ते सेट करू शकता. असे केल्यावर जेव्हा जेव्हा ठरलेला मेसेज सेंड करण्याची वेळ येईल तेव्हा तो मेसेज पाठवण्यापूर्वी तो मेसेज तुमची परवानगी घेईल.
हेही वाचा :
- Whatsapp New feature : व्हॉट्सअ‍ॅपने 'व्हॉइस चॅट'ची केली घोषणा; जाणून घ्या काय आहे आणि ते कसे कार्य करते
- Whatsapp New Feature : व्हॉट्सअ‍ॅप आणले अ‍ॅन्ड्रॉइड यूजर्ससाठी 'बॉटम टॅब इंटरफेस' फिचर; जाणून घ्या
- पुढील आठवड्यापासून 'ही' लाखो गुगल अकाऊंट हटवली जातील, गुगलनं दिला इशारा
