Twitter Blue Badges: ट्विटर ब्लू बॅजेसच्या युझर्सना झटका.. पैसे न भरल्यास 'ब्लू टिक' काढून घेणार..

ट्विटर ब्ल्यू येण्यापूर्वी ज्या युझर्सना ट्विटरने ब्ल्यू बॅजेस दिले आहेत त्यांनाही आता त्यांचे बॅजेस कायम ठेवण्यासाठी पैसे भरावे लागणार आहेत. ट्विटर ब्लू सदस्यांना त्यांच्या होम टाइमलाइनमध्ये कमी जाहिराती दिसणार आहेत. ट्विटरने म्हटले आहे की, लवकरच सर्व जुने ब्लू बॅज हटवले जातील. ट्विटर ब्लू टिक आता 15 जागतिक बाजारपेठेत उपलब्ध करून देण्यात आली आहे.

नवी दिल्ली: ट्विटर ब्लू व्हेरिफिकेशन सेवा भारतात 650 रुपये प्रति महिना सुरू केल्यानंतर, एलोन मस्कने सांगितले आहे की, सर्व जुने ब्लू बॅज लवकरच काढून टाकले जातील. मस्कने वारंवार सांगितले आहे की, कंपनी सर्व ब्लू बॅजेस काढून टाकणार आहे. त्यांनी ट्विटमध्ये पुनरुच्चार केला की, या ब्लू टिक्स चुकीच्या पद्धतीने घेतल्या गेल्यामुळे लेगसी ब्लू चेकमार्क्स लवकरच काढले जातील. या महिन्याच्या सुरुवातीला, ट्विटरचे सीईओ एलोन मस्क यांनी सांगितले की, सर्व लेगसी सत्यापित खाती लवकरच त्यांचे ब्लू बॅज गमावतील.

१५ देशांमध्ये सेवा सुरु:दरम्यान, ट्विटर वेबवर पडताळणीसह ब्लू टिकसाठी दरमहा 650 रुपये आणि भारतातील Android आणि iOS मोबाइल डिव्हाइससाठी 900 रुपये शुल्क आकारण्यास ट्विटरने सुरुवात केली आहे. मस्कने ट्विटरवर भारतासाठी वार्षिक 6,800 रुपये प्रति वर्ष योजना सादर केली आहे. म्हणजे दरमहा अंदाजे 566.67 रुपये आहे. भारतात लॉन्च झाल्यानंतर, ट्विटर ब्लू टिक आता यूएस, कॅनडा, जपान, यूके आणि सौदी अरेबियासह 15 जागतिक बाजारपेठांमध्ये उपलब्ध करून देण्यात आली आहे.

४ हजार शब्दांचे ट्विट झाले सुरु: ट्विटरने यूएसमधील ब्लू सदस्यांना 4,000 शब्दांपर्यंत लांब ट्विट तयार करण्याची परवानगी देण्यास सुरुवात केली आहे. ट्विटर ब्लू सदस्यांना त्यांच्या होम टाइमलाइनमध्ये 50 टक्के कमी जाहिराती दिसतील. दरम्यान, ट्विटरने व्यवसाय आणि ब्रँड संस्थांना ट्विटर गोल्डन बॅज राखण्यासाठी दरमहा $1000 भरण्यास सांगितले आहे, जे पैसे देणार नाहीत, त्यांचे चेकमार्क काढून टाकले जातील. ट्विटरने ब्लू टिक वापरकर्त्यांसाठी एक खास घोषणा केली आहे. त्यांना नवीन सुविधा देण्यात येत आहे. यूएसमधील ट्विटर ब्लू वापरकर्ते आता 4,000 वर्णांपर्यंत ट्विट लिहू शकतात.

ब्लू सब्सक्राइबर्ससाठी विशेष सुविधा:फक्त ट्विटरचे ब्लू सदस्यच लांब ट्विट पोस्ट करू शकतात, परंतु ब्लू सुविधा न घेतलेले सदस्य ट्विट्स वाचू शकतात, रिप्लाय करू शकतात, रिट्विट करू शकतात आणि कोटही करू शकतात. याव्यतिरिक्त, ब्लू वापरकर्ते ट्विटरने नमूद केल्याप्रमाणे, 4,000 वर्णांपर्यंतच्या लांब ट्विटला प्रत्युत्तर आणि कोट करण्यास सक्षम असतील. पूर्वी, ट्विट केवळ 280 वर्णांपुरते मर्यादित होते, जे अद्याप सदस्य नसलेल्यांना लागू होते. त्यात आता बदल करण्यात आला आहे.