वेलिंग्टन ( न्यूझीलंडचे ) :शिक्षण मंत्री ख्रिस हिपकिन्स हे न्यूझीलंडचे पुढचे पंतप्रधान बनणार आहेत. जेसिंडा आर्डर्न यांच्या जागी ते प्रबळ दावेदार समजले जात आहेत. हिपकिन्स, यांना अजूनही त्यांच्या लेबर पार्टीच्या सहकाऱ्यांकडून समर्थन मिळवणे आवश्यक आहे. पुढच्या काही महिन्यात ते पदभार सांभाळतील. मला खरोखरच आनंद होत आहे, ही माझ्या आयुष्यातील सर्वात मोठी जबाबदारी आहे. असे त्यांनी म्हटले. जेसिंडा आर्डर्नयांनी गुरुवारी साडेपाच वर्षांच्या यशस्वी भूमिकेनंतर राजीनामा देत असल्याचे जाहिर केले होते. कोरोना व्हायरस देशभर पसरला आसताना त्याच्या व्यवस्थापनादरम्यान हिपकिन्स सार्वजनिक पातळीवर प्रसिद्ध झाले.
अनेक अडचणींचा सामना केला :अवघ्या 37 व्या वर्षी जेव्हा त्या पंतप्रधान बनल्या. तेव्हा देशातील वाईट-मास शूटींग आणि कोविड-19 साथीच्या रोगाचा धोका प्रारंभिक टप्प्यात होता. ती परिस्थीती हाताळल्याबद्दल आर्डर्न यांचे जगभरात कौतूक झाले. परंतू दुसरीकडे त्यांना राजकीय दबावाचा सामना करावा लागला. काही लोकांकडून त्यांना त्रास झाला. ज्याचा न्यूझीलंडच्या पूर्वीच्या नेत्यांनी सामना केला नव्हता. शारीरिक इजा करणाऱ्या ऑनलाइन धमक्या आणि दुष्कृत्यांचा सामना करावा लागला. माजी पंतप्रधान हेलन क्लार्क यांनी प्रतिक्रीया दिली. आजचा समाज आता राजकारणापासून अधिकाधिक दूर जात आहे, असे त्यांनी म्हटले.
7 फेब्रुवारीला पद सोडणार :भावनिक होत जेसिंडा आर्डर्न यांनी 7 फेब्रुवारीनंतर पद सोडत असल्याचे गुरुवारी सांगितले. एका देशाचे पंतप्रधान असणे ही भूमीका खूप मोठी आहे. यापुढे त्या जबाबदारीला मी पुरेसा न्याय देऊ शकत नाही. असे त्यांनी म्हटले. हिपकिन्स हे शिक्षण विभाग सांभाळतात. त्याव्यतिरीक्त ते पोलीस आणि सार्वजनिक सेवा मंत्री आणि सभागृहाचे नेते देखील आहेत. एक राजकीय समस्यानिवारक म्हणून त्यांची ओळख आहे. याआधीही अनेक अडचणी सोडवण्यासाठी त्यांनी विविध भूमिका घेतल्या आहेत. जसे की कोरोना व्हायरस लॉकडाऊन दरम्यान लोकांना बाहेर जाऊ शकता असे सांगितले होते. मात्र ते एक कठोर परिश्रम करणारे व्यक्ती देखील आहेत.
निवडणूक जिंकण्याचा विश्वास :हिपकिन्स यांनी निवडणूक जिंकण्याचा विश्वास व्यक्त केला. त्याचवेळी जॅसिंडा आर्डर्न न्यूझीलंडसाठी उत्तम पंतप्रधान होत्या असेही हिपकिन्स म्हणाले. आम्हाला गरज होती त्या वेळी त्या नेत्या होत्या. 15 वर्षे खासदार असलेले, हिपकिन्स हे आर्डर्नपेक्षा साधे मानले जातात. निवडणुकीच्या पार्श्वभूमीवर त्यांच्या सर्वात मोठ्या आव्हानांपैकी एक म्हणजे त्यांचा पक्ष अर्थव्यवस्था चांगल्या प्रकारे हाताळत आहे हे मतदारांना पटवून देणे. न्यूझीलंडचा बेरोजगारीचा दर तुलनेने कमी 3.3% आहे, परंतु महागाई 7.2% वर आहे. न्यूझीलंडच्या रिझर्व्ह बँकेने महागाई नियंत्रणात आणण्याचा प्रयत्न करत व्याजदर 4.25% पर्यंत वाढवला आहे आणि काही अर्थतज्ञ या वर्षी देश मंदीत जाण्याचा अंदाज वर्तवत आहेत.
हेही वाचा :Azur Air Flight Security Threat: रशियातून गोव्याला निघालेले विमान बॉम्बने उडवण्याची धमकी, विमानाला उझबेकिस्तानमध्येच उतरवले
