कोरोनाचा हाहाकार : इराणमध्ये एका दिवसात ६३ जणांचा मृत्यू, एकूण बळींची संख्या ३५४ वर..

इराणच्या आरोग्य विभागाने दिलेल्या माहितीनुसार, देशात आतापर्यंत नऊ हजारांहून अधिक लोकांना या विषाणूचा संसर्ग झाला आहे. तसेच, ३५४ नागरिकांचा यात मृत्यू झाला आहे. इराणच्या सर्व प्रांतांमध्ये हा विषाणू पसरला असल्याचेही आरोग्य विभागाने स्पष्ट केले.

तेहरान -कोरोना विषाणूमुळे वाढणाऱ्या बळींची संख्या दिवसेंदिवस वाढत आहे. इराणमध्ये गेल्या २४ तासांमध्ये ६३ नागरिकांचा यामुळे मृत्यू झाला आहे, अशी माहिती देशाच्या सरकारने दिली. त्यामुळे, इराणमधील एकूण बळींची संख्या आता ३५४ वर पोहोचली आहे.

इराणच्या आरोग्य विभागाने दिलेल्या माहितीनुसार, देशात आतापर्यंत नऊ हजारांहून अधिक लोकांना या विषाणूचा संसर्ग झाला आहे. तसेच, ३५४ नागरिकांचा यात मृत्यू झाला आहे. इराणच्या सर्व प्रांतांमध्ये हा विषाणू पसरला असल्याचेही आरोग्य विभागाने स्पष्ट केले.

चीनबाहेर इराणमध्येच हा विषाणू सर्वाधिक पसरला आहे. मध्यपूर्व आशियामध्ये इराणव्यतिरिक्त इराक, इजिप्त आणि लेबानॉन या देशांमध्ये कोरोनाचे बळी आढळून आले आहेत. तसेच, आखाती देशांपैकी बहरीनमध्येही कोरोनामुळे १८९ जणांचा मृत्यू झाला आहे.

जगभरात या विषाणूचे १,२१,७५७ रुग्ण आहेत, तसेच ४,३८९ लोकांचा यामुळे मृत्यू झाला आहे. तसेच, आतापर्यंत ६६,९८८ लोक यामधून बरे झाले आहेत.

हेही वाचा :पाकिस्तानात २५ दहशतवादी संघटना सक्रिय; भारताने सुनावले खडे बोल