लाहोर (पाकिस्तान) - एका मुलीने प्रेमविवाह केला. त्यामुळे तिच्या बापाने धक्कादायक पाऊल उचलले आहे. त्याने मुलीच्या सासरच्या घरातील सात सदस्यांना जीवंत जाळले. त्यांचा आईत होरपळून मृत्यू झाला. या घटनेत दोन मुली, सासू आणि चार नातवंडांचा समावेश आहे. पाकिस्तानातील पंजाब प्रांतात ही ऑनर किलिंगची घटना घडली आहे.
पोलिसांनी दिलेल्या माहितीनुसार, पाकिस्तानच्या पंजाब प्रांतातील मुझफ्परगढ जिल्ह्यात ही घटना घडली आहे. त्याचे आता इतर प्रांतातही पडसाद उमटत आहेत. लोकांनी या घटनेचे निषेध केला आहे. या घटनेतील आरोपी मंझूर हुसैन याच्या फौजिया बीबी आणि खुर्शीद माई या दोन मुली होत्या. फौजिया बीबी यांचा मेहबूब अहमद यांच्यासोबत २०२० मध्ये प्रेमविवाह झाला होता. याला मंझूर हुसैन यांचा विरोध होता. पण त्यांचा विरोध पत्करुन फौजिया यांनी हे लग्न केले होते.