न्यूयॉर्कमध्ये तीन प्रवाशांसह विमान कोसळले घरावर

अमेरिकेतील न्यूयॉर्क शहरात तीन प्रवाशांसहीत एक छोटे विमान घरावर कोसळल्याची घटना घडली आहे.

न्यूयॉर्क -शहरात एक छोटे विमान घरावर कोसळल्याची घटना घडली आहे. या विमानात तीन प्रवासी होते, अशी माहिती अमेरिका संघराज्य विमान प्रशासनाने दिली आहे.

शनिवारी अमेरिकेतील डचेस काऊन्टी भागातील एका घरावर हे विमान कोसळले आहे. हा अपघात शनिवारी सायंकाळी साडेचारच्या दरम्यान झाल्याचे अमेरिकेतील स्पुटनिक या वृत्तसंस्थेने स्थानिक माध्यमांच्या वृत्तांचा हवाला देत सांगितले.

या अपघातातील तीन प्रवाशांबाबत कोणतीही माहिती अजून उपलब्ध झाली नसल्याचे, अमेरिका संघराज्य विमान प्रशासनाने सांगितले आहे. तसेच हे विमान नेमके कोणत्या कारणामुळे कोसळले याचा तपास सुरू असल्याचेही प्रशासनाने सांगितले आहे.