वॉशिंग्टन डी.सी - अमेरिकेमध्ये राष्ट्राध्यपदाच्या निवडणुकांची रणधुमाळी सुरू आहे. रिपब्लिक पक्षाचे डोनाल्ड ट्रम्प आणि डेमोक्रॅटीक पक्षाचे जो बायडेन यांच्याकडून सत्तेत येण्यासाठी जोरदार प्रचार सुरू आहे. जो बायडेन आणि डेमोक्रॅटीक पक्षाकडून उपाध्यक्षपदाचे उमेदवार असलेल्या कमला हॅरिस यांना विजय मिळवून देण्यासाठी अमेरिकेचे माजी राष्ट्रध्यक्ष बराक ओबामा प्रचार करणार आहेत. असे असले तरी, ट्रम्प यांनी बराक ओबामा हे प्रभावशाली प्रचारक नाहीत. कारण, त्यांनी 2016मध्ये अत्यंत वाईट प्रचार केला होता, म्हणून मी अमेरिकेचा अध्यक्ष झालो', अशी टीका केली आहे.
बराक ओबामा अमेरिकेच्या राष्ट्राध्यक्षपदी असताना, दोन्ही कार्यकाळात जो बायडेन हे उपराष्ट्राध्यक्ष होते. याआधी बराक ओबामा यांनी जो बायडेन आणि कमला हॅरिस यांच्यासाठी ऑनलाइन प्रचार केला आहे. मात्र, नागरिकांमध्ये जाऊन प्रचार करण्याची त्याची ही पहिली वेळ असणार आहे.