Omicron Symptoms : जाणून घ्या... AIIMS ने जाहीर केलेली ओमायक्रॉनची धोकादायक लक्षणे

ओमायक्रॉनच्या लक्षणांबाबत वेळोवेळी आरोग्य तज्ज्ञांकडून माहिती देण्यात आली आहे. यूएस सेंटर्स फॉर डिसीज कंट्रोल अँड प्रिव्हेन्शन अ‍ॅनालिसिसने या प्रकाराची चार सर्वात सामान्य लक्षणं ( Omicron Symptoms released by AIIMS ) सांगितली आहेत. ज्यामध्ये खोकला, थकवा, कफ आणि नाक वाहणे यांचा समावेश आहे.

मुंबई : संपूर्ण जगात दहशत माजवणाऱ्या कोरोनाच्या नव्या व्हेरिएंट ओमायक्रॉनने आता भारतावर नजर टाकली आहे. देशात कोरोनाचे दररोज अनेक रुग्ण आढळून येत आहेत. शुक्रवारी गेल्या 24 तासात देशात कोरोनाचे 1 लाख 41 हजार 986 नवे रुग्ण आढळून आले आहेत. तर ओमायक्रॉनच्या रुग्णांची एकूण संख्या आता 3,071 वर पोहोचली आहे. जी चिंतेची बाब आहे.

चार सर्वात सामान्य लक्षणं -

ओमायक्रॉनच्या लक्षणांबाबत वेळोवेळी आरोग्य तज्ज्ञांकडून माहिती देण्यात आली आहे. यूएस सेंटर्स फॉर डिसीज कंट्रोल अँड प्रिव्हेन्शन अ‍ॅनालिसिसने या प्रकाराची चार सर्वात सामान्य लक्षणं ( Omicron Symptoms released by AIIMS ) सांगितली आहेत. ज्यामध्ये खोकला, थकवा, कफ आणि नाक वाहणे यांचा समावेश आहे.

...म्हणजे तुमचा संसर्ग गंभीर -

तर, एम्सने ओमायक्रॉनची पाच लक्षणे सांगताना त्यांच्याकडे दुर्लक्ष करु नका असा इशारा दिला आहे. ही लक्षणे दिसणे म्हणजे तुमचा संसर्ग गंभीर आहे, असंही सांगितले आहे.

ओमायक्रॉनची 5 धोकादायक लक्षणे ( 5 Symptoms Of Omicron ) -

1. श्वास घेण्यास त्रास होणे

2. ऑक्सिजन सॅच्युरेशनमध्ये घट होणे

3. छातीत सतत वेदना/दाब जाणवणे

4. मानसिक गोंधळ उडणे किंवा प्रतिसाद देऊ न शकणे

5. लक्षणे 3-4 दिवसांपेक्षा जास्त काळ राहिल्यास किंवा प्रकृती आणखी बिघडल्यास

त्वचेचा, ओठांचा किंवा नखांचा रंग अचानक बदलला तरी सतर्क राहण्याची गरज असल्याचे आरोग्य तज्ज्ञ सांगतात.

हेही वाचा -Maharashtra Corona Update: राज्यात धडकी भरवणारी रुग्णसंख्या; कोरोनाचे आढळले 40 हजार 925 रुग्ण