आयएएस अतहर आमिर खान लवकरच डॉ. मेहरीन काझीसोबत करणार लग्न

डॉक्टर मेहरीन यांनी ब्रिटन आणि जर्मनीमधून मेडिकलचे शिक्षण घेतले आहे. मेहरीन आणि अतहर बऱ्याच दिवसांपासून एकमेकांना डेट करत आहेत. अतहर अमीर खान हे भारतीय प्रशासकीय सेवेचे (IAS) अधिकारी आणि श्रीनगर महानगरपालिकेचे आयुक्त आहेत.

मुंबई - आयएएस अतहर आमिर खानने सुंदर आणि ग्लॅमरस डॉक्टर मेहरीन काझीशी लग्न करण्याचा निर्णय घेतला आहे. अतहर आणि मेहरीन या दोघांची एंगेजमेंट पार पडली आहे. त्यांनी सोशल मीडियावर फोटो शेअर करून याची माहिती दिली आहे. 2015 मधील IAS टॉपर टीना दाबीचा माजी पती आणि IAS अतहर आमिर खान पुन्हा एकदा लग्न करणार आहेत. यापूर्वी अतहरची माजी पत्नी टीना दाबीने यावर्षी आयएएस प्रदीप गावंडे यांच्याशी लग्न केले होते.

आता अतहर आमिर खान सुंदर आणि ग्लॅमरस डॉक्टर मेहरीनसोबत लग्न करणार आहे. अतहरची मंगेतर मेहरीन दिसण्यात अभिनेत्रीपेक्षा कमी नाही. सोशल मीडियावर तिचे संपूर्ण ग्लॅमर असलेले सुंदर फोटो आहेत. श्रीनगरच्या लाल बाजार येथे राहणारी मेहरीन ही व्यवसायाने डॉक्टर असून ती दिल्लीच्या राजीव गांधी कॅन्सर इन्स्टिट्यूटमध्ये कार्यरत आहे. मेहरीन सोशल मीडियावर खूप सक्रिय आहे आणि इंस्टाग्रामवर तिला 2.4 मिलियन युजर्स फॉलो करतात.

डॉक्टर मेहरीन हिने ब्रिटन आणि जर्मनीमधून वैद्यकशास्त्राचे शिक्षण घेतले आहे. मेहरीन आणि अतहर बऱ्याच दिवसांपासून एकमेकांना डेट करत आहेत. अतहर अमीर खान हे भारतीय प्रशासकीय सेवेचे (IAS) अधिकारी आणि श्रीनगर महानगरपालिकेचे आयुक्त आहेत.

आयएएस अतहर आमिर खान हे काश्मीरमधील अनंतनागचे रहिवासी आहेत. 2015 मध्ये अतहर यूपीएससीमध्ये दुसरा आला होता आणि टीना दाबी टॉप झाली होती. मसुरीमध्ये प्रशिक्षणादरम्यान, आमिर आणि टीनामध्ये प्रेम फुलले आणि प्रशिक्षण संपल्यानंतर दोघांनी 2018 मध्ये लग्न केले होते. मात्र, आमिर-टीनाचे लग्न फार काळ टिकले नाही आणि 2021 मध्ये दोघांचा घटस्फोट झाला.

हेही वाचा -अर्जुन कपूरने मलायकासोबत काढली 'सेल्फी विथ शॉपहोलिक'!!