मुंबई :बिग बॉस ओटीटी 2 चा अंतिम सामना सोमवारी रात्री मोठा रंगतदार झाला आहे. यामध्ये इल्विश यादव बिग बॉसचा विजेता ठरला आहे. इल्विशने अभिषेक मल्हाणचा पराभव करत विजयी ट्रॉफीवर आपले नाव कोरले. बिग बॉसच्या अंतिम फेरीतून पूजा भट, मनिषा राणी आणि बेबिका धुर्वे या अगोदरच बाहेर पडल्या होत्या. त्यानंतर खरी रंगत अभिषेक मल्हाण आणि इल्विश यादव यांच्यातच रंगली होती. अखेर इल्विशने अभिषेकवर मात करत बिग बॉस ओटीटी 2 चा विजेता होण्याचा मान पटकावला.
सलमान खानचे धमाकेदार नृत्य :बिग बॉस ओटीटी 2 च्या अंतिम सामन्यात अभिनेता सलमान खान याने धमाकेदार नृत्य करत मोठी रंगत आणली. सलमान खानने विविध गाण्यावर धमाकेदार नृत्य करत बिग बॉसच्या स्पर्धकांना उत्कृष्ठ खेळ करण्यास भाग पाडले. सलमान खानसह सुप्रसिद्ध दिग्दर्शक महेश भट यांनीही बिग बॉसच्या अंतिम सामन्यात हजेरी लावत मोठी धमाल उडवून दिली.
पूजा भट आणि बेबिका धुर्वे स्पर्धेबाहेर :बिग बॉसच्या अंतिम सामन्यात इल्विश यादव, अभिषेक मल्हाण, पूजा भट आणि बेबिका धुर्वे आणि मनिषा राणी हे पाच स्पर्धक पोहोचले होते. मात्र यातील पूजा भट आणि बेबिका धुर्वे आणि मनिषा राणी या अंतिम सामन्यातून बाहेर पडल्या. त्यानंतर अंतिम सामन्यात इल्विश यादव, अभिषेक मल्हाण हे दोनच स्पर्धक उरले होते. या दोघात खरी लढत रंगली. इल्विश यादव, अभिषेक मल्हाण यापैकी बिग बॉस ओटीटी 2 चा विजेता कोण होणार याची उत्सुकता प्रेक्षकांना लागली होती. मात्र इल्विश यादवने अभिषेकवर विजय संपादन केला. त्यामुळे रात्री उशीरा बिग बॉस ओटीटी 2 चा विजेता इल्विश यादव असल्याची घोषणा करण्यात आली.
महेश भटने केले पूजा भटला 'मिस' :बिग बॉस ओटीटी 2 चा विजेता सोमवारी रात्री जाहीर करण्यात आला आहे. बिग बॉस ओटीटी 2 मध्ये महेश भट यांची मुलगी पूजा भट देखील स्पर्धक होती. मात्र पूजा भटला बिग बॉसमधून बाहेर पडावे लागले. पूजा भटला समर्थन देण्यासाठी बिग बॉस ओटीटी 2 च्या मंचावर आलेले दिग्दर्शक महेश भट हे चांगलेच नाराज झाले. त्यांनी मुलगी पूजा भटची उणीव जाणवत असल्याचे यावेळी सांगितले.
