बिग बॉसच्या घरात अभिषेक कुमारची रिएनट्री, कृतघ्न असल्याची स्पर्धकांकडून टीका

Bigg Boss 17 day 86 highlights: सोमवारी प्रसारित झालेल्या बिग बॉसच्या 86 व्या भागामध्ये अभिषेक कुमार विरुद्ध घरातील सदस्यांसह अनेक वाद पाहायला मिळाले. समर्थ जुरेलवर हात उगारल्याबद्दल कुमारला शोमधून काढून टाकण्यात आले होते. आता तो पुन्हा शोमध्ये आल्याने घरातील समीकरणे बदलली आहेत. याबद्दल अधिक जाणून घेण्यासाठी वाचा.

मुंबई - Bigg Boss 17 day 86 highlights: बिग बॉस 17 च्या घरातील वेगवान घडामोडींनी चाहत्यांचे लक्ष वेधून घेतले आहे. शो आता अखेरच्या टप्प्यात आल्यानंतर प्रत्येक स्पर्धक आता बुद्धी आणि बळ कौशल्याचा वापर करण्यात गुंतला आहे. सोमवारच्या एपिसोडमध्ये अभिषेक कुमारने शोमध्ये पुन्हा प्रवेश केल्याने स्पर्धक नाराज असल्याचे दिसले. समर्थ जुरेल यांच्यासोबत विकी जैन यानेही उघडपणे या बद्दल नाराजी व्यक्त केली. बिग बॉस 17 च्या लेटेस्ट एपिसोडमध्ये अंकिताच्या मुद्द्यांबद्दल विकी जैन गप्प असूनही, अंकिताच्या प्रकरणावर अभिषेकशी वाद घालण्यासाठी तो मुनावरशी सामना करताना दिसला. भागाच्या सुरुवातच या विषयाच्या वादाने घडली आणि भांडण वाढत गेले.

मुनावर फारुकीनं अभिषेक कुमारला म्हटलं कृतघ्न

स्टँड-अप कॉमेडियन मुनावर फारुकीने अभिषेकला विचारले की त्याच्यातील कृतज्ञता संपली आहे का आणि त्याने हे स्पष्ट करण्याचा प्रयत्न केला की अंकितानेच त्याला वाचवण्यासाठी सर्वांचा अपमान केला. यावर अभिषेक म्हणतो की जेव्हा त्याला काहीही चुकीचे घडतंय असं वाटतं आहे तेव्हा त्याला बोलले पाहिजे कारण तो कृतज्ञतेच्या मागे स्वतःला लपवू शकत नाही. तो पुढे म्हणाला की त्याने आधीच तिचे आभार मानले आहेत आणि जेव्हा त्याला आपले विचार मांडण्यास भाग पाडले जाईल तेव्हा तो बोलेल. विकी आणि अभिषेकच्या म्हणण्यानुसार, मुनावर परिस्थितीचा फायदा घेत असताना अचानक स्वत: साठी चिकटून राहण्याऐवजी इतरांसाठी बोलतो.

अभिषेक कुमारवर भडकली अंकिता लोखंडे

8 जानेवारी रोजी प्रसारित झालेल्या बिग बॉस 17 च्या एपिसोडमध्ये, अंकिता लोखंडे आणि अभिषेक कुमार यांनी बिग बॉसच्या घरात जोरदार वाद घालताना दिसले. त्यांच्या वादाच्या वेळी अंकिता लोखंडे अभिषेकवर ओरडते आणि त्याला सांगते की त्याला मेंटल हेल्थची गरज आहे. वादाच्या वेळी तिने अभिषेकला शाप दिला आणि त्याच्या पुन्हा प्रवेशासाठी मतदान केल्याबद्दल नाराजी व्यक्त केली. अंकिता लोखंडे अभिषेकवर नाराज झाली आहे कारण तिला असे वाटते की कृतज्ञता व्यक्त करण्याऐवजी तो आपल्या विरोधात गेला आहे. बिग बॉस 17 च्या घरातील सदस्य, विशेषत: मुनावर फारुकी आणि अंकिता लोखंडे यांनी अभिषेकला 'थँकलेस' व्यक्ती असल्याचं म्हटले. ज्यांनी त्याला परत येण्यासाठी मदत केली त्यांनाच तो विरोध करत आहे, असे त्यांचे मत बनलं आहे.

अंकिता लोखंडे - विकी जैन यांच्यातले संबंध बिघडले

मन्नारा चोप्रा आणि विकी यांच्यात वाढत चाललेल्या मैत्रीचा अंकितावर परिणाम झालेला दिसतो. यामुळे ती विकीवर नाराज झाली आहे. यानंतर मन्नारा ईशाकडे गेली आणि अंकितामुळे त्यांना काहीही फरक पडणार नसून विकी हा बंधनात राहणारा नसल्याचे समजावले. विकी आणि अंकिताचे किचनमध्ये भांडण झाले, शब्दाला शब्द वाढत गेला आणि अंकिता तिच्या खोलीत जाऊन रडताना दिसली.

अंकिता विकीला सांगते, "आज सडनली मन्नारा (चोप्रा) लाइफ मे आ गई है. तेरी जो दोस्ती है ना उसके साथ, मुझे इफेक्ट कर रही है." यावर विक्कीने ती कशी मित्रांना दूर करते याबद्दल सांगितली. त्यानंतर अंकिता रागाने म्हणाली, "बडी दोस्त बन रही है ना तेरी. निभा दोस्ती अपनी."

अरोरा घराबाहेर गेल्यानंतर मुनावर फारुकी, ईशा मालवीय, अभिषेक कुमार, समर्थ जुरेल, अरुण माशेट्टी, मन्नारा चोप्रा, आयशा खान, विकी जैन आणि अंकिता लोखंडे हे या गेममध्ये स्पर्धक म्हणून उरले आहेत. बिग बॉस 17 जीओ सिनेमा ओटीटीवर आणि कलर्स वाहिनीवर प्रसारित होत आहे.

हेही वाचा -

2.इरा खानच्या मेहंदी सोहळ्याची नुपूर शिखरेसोबतची पहिली झलक, पाहा फोटो

3.आशियाई चित्रपट महोत्सवात दिग्दर्शक रमेश सिप्पींचा 'एशियन कल्चर'पुरस्काराने होणार गौरव