मुंबई- चित्रपट निर्माता करण जोहरने तो दिग्दर्शन करत असलेल्या रॉकी और रानी की प्रेम कहानी चित्रपटाच्या शुटिंगची सांगता झाल्याचे जाहीर केले आहे. या कौटुंबिक विषयावरील चित्रपटात रणवीर सिंग आणि आलिया भट्ट या मुख्य कलाकारांसह धर्मेंद्र, जया बच्चन आणि शबाना आझमी यांच्या प्रमुख भूमिका आहेत.
करण जोहरने चित्रपटाचे शुटिंग थांबवल्याचे ट्विटरवरुन जाहीर केले. त्याने लिहिले, "माझ्या ह्रदयाच्या जवळ असलेल्या कथेचा प्रवास मी स्थगित करीत आहे. अनेक वर्षानंतर मी यासाठी दिग्दर्शकाच्या खुर्चीत बसलो होतो आणि मला घरी परतल्यासारखे वाटले होते. आमच्या सेटवर दिग्गज आणि सुपरस्टार्स होते आणि कॅमेऱ्यासमोर ते जादू दाखवत होते."
करण जोहरने 2016 मध्ये ए दिल है मुश्किल हा चित्रपट अकेरचा दिग्दर्शित केला होता. त्याने आपल्या चित्रपटाच्या टीमचे आणि क्रू सदस्यांचे आभार मानले आहेत.
करणने शेअर केलेल्या व्हिडीओमध्ये त्याचा लीड मॅन रणवीर सिंग शूट संपल्यावर भावूक होताना दिसत आहे. व्हिडिओमध्ये तो करणला मिठी मारताना दिसत आहे ज्यामध्ये संपूर्ण टीम चित्रपटाचा रॅप साजरा करत आहे. चित्रपटातील आघाडीची महिला आलिया भट्टने तिची उपस्थिती दर्शवली आहे.
विशेष म्हणजे सैफ अली खान आणि अमृता सिंग यांचा मुलगा इब्राहिम अली खान या चित्रपटात करण जोहरचा असिस्टंट म्हणून काम करत होता. त्याचेही डोळे या व्हिडिओत पाणावलेले दिसले.
रॉकी और रानी की प्रेम कहानी इशिता मोईत्रा, शशांक खेतान आणि सुमित रॉय यांनी लिहिली आहे. धर्मा प्रॉडक्शनचा हा चित्रपट 10 फेब्रुवारी 2023 रोजी प्रदर्शित होणार आहे. परंतु आलिया भट्टच्या प्रेग्नन्सीमुले याचे शुटिंग थांबवण्यात आले असून कदाचित याची रिलीज तारीखही बदलली जाऊ शकते.
हेही वाचा -'कृपया माझा चित्रपट पाहा', 'लाल सिंग चड्ढा'वर बहिष्कार न घालण्याची आमिर खानची विनंती
