मुंबई : 'प्रोजेक्ट के' टीम ने शुक्रवारी पहाटे सॅन दिएगो कॉमिक-कॉन (SDCC) येथे चित्रपटाच्या बहुप्रतिक्षित फर्स्ट लुक आणि शीर्षकाचे अनावरण केले आहे. आता प्रभासच्या आगामी 'प्रोजेक्ट के' या चित्रपटाचे खरे नाव समोर आले आहे. प्रभास हा पहिल्यांदाच आता सुप्परहिरो चित्रपटात झळकणार आहे. कार्यक्रमादरम्यान मीडियाशी संवाद साधताना, प्रभासन खुलासा केला की, तो या चित्रपटात एक सुपरहिरो आहे आणि विशेष म्हणजे हे खरोखरच मजेदार आहे, असे त्याने यावेळी सांगितले.
'प्रोजेक्ट के'बद्दल झाला खुलासा : ट्विटरवर एका फॅन पेजद्वारे शेअर केलेल्या व्हिडिओमध्ये, 'प्रोजेक्ट के'चे नाव 'कल्की २८९८ एडी'. असे सांगितले आहे. सोशल मीडियावर प्रभासने या चित्रपटाबाबत दिग्दर्शक नाग अश्विन यांचे कौतुक केले आहे. प्रभास सांगितले की, जरी तो सुपरहिरोच्या भूमिकेत चित्रपटात असला तरी त्याच्या पात्राची एक मजेदार बाजू आहे आणि प्रत्यक्षात तो चित्रपटातील एकमेव मजेदार माणूस आहे. असे त्याने म्हटले. ‘कल्की २८९८ एडी’ या चित्रपटाची एक छोटीशी झलक बरेच काही सांगून जाणारी आहे. सॅन दिएगो कॉमिक-कॉन या कार्यक्रमात प्रभास, कमल हासन आणि राणा दग्गुबती यांनी आपली उपस्थिती लावली होती. सॅन दिएगो कॉमिक-कॉन २०२३मध्ये पदार्पण करणारा ‘प्रोजेक्ट के’ हा पहिला भारतीय चित्रपट ठरला आहे. या चित्रपटाकडून प्रभासला खूप अपेक्षा आहेत, कारण यापूर्वीचा त्याचा आदिपुरुष चित्रपट हा बॉक्स ऑफिसवर अतिशय वाईट रित्या फ्लॉप झाला होता.