हैदराबाद- Animal Pre Release Event : अभिनेता रणबीर कपूर सध्या त्याच्या 'अ‍ॅनिमल' या आगामी अ‍ॅक्शन थ्रिलर चित्रपटाच्या प्रमोशनमध्ये गुंतला आहे. या चित्रपटाचे प्रमोशन सोमावारी हैदराबादमध्ये करण्यात आलं. यासाठी रणबीर सहकलाकार रश्मिका मंदान्ना आणि अनिल कपूर यांच्यासह हजर होता. या कार्यक्रमाला साऊथ इंडियातील अनेक दिग्गज कलाकार आणि सेलेब्रिटी हजर होते. यामध्ये दक्षिणेतील सुपरस्टार महेश बाबू आणि दिग्गज दिग्दर्शक एसएस राजामौली देखील कलाकारांमध्ये सामील झाले.
यावेळी महेश बाबूने रणबीरवर कौतुकाचा वर्षाव केला आणि रणबीर हा भारतातील सर्वोत्कृष्ट अभिनेता असल्याचे म्हटले. या कार्यक्रमात बोलताना महेश बाबू म्हणाला, "मी त्याला भेटल्यावरही हे सांगितले आहे, पण त्यानं मला फारसं गांभीर्यानं घेतलंय असं वाटत नाही. त्यामुळे आज या मंचावर मी पुन्हा सांगतो की मी त्याचा मोठा फॅन आहे आणि माझ्या मते, तो भारतातील सर्वोत्कृष्ट अभिनेता आहे."
'आरआरआर' दिग्दर्शक राजामौली यांनीही रणबीर कपूर आपला आवडता अभिनेता असल्याचं जाहीर केलं. राजमौलीनं आत्मविश्वासानं सांगितलं, "कोणताही आड पडदा न ठेवता मी तुम्हाला सांगेन, माझा आवडता अभिनेता रणबीर कपूर आहे."
'अ‍ॅनिमल' चित्रपटाचं दिग्दर्शन संदीप रेड्डी वंगा यांनी केलं आहे. या चित्रपटात रणबीर कपूर, अनिल कपूर, बॉबी देओल आणि रश्मिका मंदान्ना यांच्या प्रमुख भूमिका आहेत. अलिकडेच या चित्रपटाचं चेन्नईत प्रमोशन झालं. त्यावेळी चित्रपटाचं नाव 'अ‍ॅनिमल' का ठेवलं आहे याचा रणबीर कपूरनं खुलासा केला.