वरुण सूदने अनन्या पांडेसोबत साईन केला ड्रीम प्रोजेक्ट

जुग जुग जीयो या चित्रपटामध्ये झळकलेला अभिनेता वरुण सूदला त्याचा ड्रीम प्रोजेक्ट मिळाला आहे. कॉल मी बे या आगामी मालिकेत मुख्य भूमिकेसाठी अभिनेत्याला सामील केले जात असल्याची माहिती आहे. कॉल मी बे या मालिकेत अभिनेता फिटनेस फ्रीकची भूमिका साकारणार आहे. या मालिकेत अनन्या पांडे देखील आहे.

मुंबई- अभिनेता वरुण सूदला त्याचा ड्रीम प्रोजेक्ट मिळाला आहे. कॉल मी बे या आगामी मालिकेत मुख्य भूमिकेसाठी अभिनेत्याला सामील केले जात असल्याची माहिती आहे. या मालिकेत अनन्या पांडे देखील आहे, जी या मालिकेत एक नाही तर चार मुलांसोबत रोमान्स करताना दिसणार आहे आणि वरुण हा लाँग फॉरमॅट मालिकेतील देखण्या मित्रांपैकी एक आहे.

कॉल मी बे मध्ये वरुण जिम ट्रेनरची भूमिका करत असल्याचे सांगण्यात येत आहे. या मालिकेतून त्याचे डिजिटल पदार्पण होणार नाही परंतु त्याच्यासाठी हा नक्कीच एक मोठा प्रकल्प आहे ज्यामध्ये त्याच्या कारकिर्दीला चालना मिळण्याची क्षमता आहे. वरुणने या भागासाठी अनेक अभिनेत्यांना मागे टाकले आणि लवकरच तो साइन करणार आहे.

बातम्यांनुसार, निर्मात्यांनी मालिकेत अनन्याच्या आईची भूमिका करण्यासाठी नीलम कोठारीशी देखील संपर्क साधला होता परंतु ती अद्याप आईची भूमिका साकारण्यास तयार नाही असे दिसते. टीम आता दुसऱ्या कलाकारांच्या शोधात आहे.

अभिनेता वरुण सूद याआधी रागिनी एमएमएस रिटर्न्स (2017) मध्ये दिसला होता आणि त्याचा अलीकडील राज मेहता-दिग्दर्शित आणि करण जोहर-निर्मित जुग जुग जीयो चित्रपटामध्येही झळकला होता. वरुणला जोहरच्या धर्मा कॉर्नरस्टोन या टॅलेंट मॅनेजमेंट एजन्सीने साइन अप केले आहे.

वरुणने आपल्या करिअरची सुरुवात रिअॅलिटी शोमधून केली. तो MTV इंडियाच्या रोडीज X2, Splitsvilla 9 आणि Ace Of Space 1 मध्ये सहभागी होण्यासाठी ओळखला जातो. अलीकडेच जेव्हा त्याची माजी मैत्रीण दिव्या अग्रवाल हिने उद्योगपती अपूर्व पाडगावकर यांच्यासोबत एंगेजमेंटची घोषणा केली तेव्हा तो प्रसिद्धीच्या झोतात आला होता. मार्च 2022 मध्ये चार वर्षांच्या डेटिंगनंतर दिव्या आणि वरुण वेगळे झाले आहेत.

हेही वाचा -बॉलिवूडमधील काही लोक प्रतिभा चिरडतात, विवेक ओबेरॉयचा हल्ला बोल