मुंबई - बॉलिवूडचे पॉवर कपल आलिया भट्ट आणि रणबीर कपूर त्यांची लहान मुलगी राहासोबत मुंबई विमानतळावर फोटोसाठी पोझ देताना दिसले. दोघेही आपल्या कामाच्या धबडग्यातून वेघ काढून मुलीसोबत सुट्टीचा आनंद घेण्यासाठी देशाबाहेर जाताना दिसले. आलिया भट्ट सध्या तिच्या बाळासोबत मातृत्वाचा प्रत्येक क्षण अनुभवण्याचा विचार करत आहे.
फोटोंमध्ये आलिया छान स्लिंग बॅगसह सर्व-काळा ट्रॅकसूट परिधान केलेली दिसत आहे. यावेळी तिने हलका मेकअप केला होता व डोळ्यावर काळे सनग्लासेस घातले होते. एअरपोर्ट स्टाइलसाठी रणबीर अगदी नवीन लूकमध्ये दिसला.
अ‍ॅनिमल चित्रपटाचे शुटिंग पूर्ण झाल्यानंतर, रणबीर कपूरने दाढी काढली असून क्लीन-शेव्हमध्ये परतला आहे. त्याने पांढरा शर्ट आणि मॅचिंग ट्राउझर्स घातला होता व त्याच्या बाजूला बॅग होती. विमानतळावर ही जोडी एकत्र अप्रतिम दिसत होती.
आलिया भट्ट आणि रणबीर कपूरसोबत त्यांची मुलगी राहा देखील उपस्थित होती, परंतु त्यांनी विनंती केली की पापाराझींनी तिचे फोटो काढणे टाळावे. त्यांचे व्हिडीओ आणि छायाचित्रे ऑनलाइन रिलीझ केल्यावर त्यांचे चाहते वेडे झालेले दिसले. त्यांनी प्रतिक्रिया देताना या सुंदर जोडप्याचे तोंडभर कौतुक केले आहे. त्यांनी दोघांवर शुभेच्छांचा वर्षाव केला आहे.
दरम्यान, आलिया नुकतीच ब्राझीलच्या सहलीवरून परतली आहे, या ठिकाणी तिने तिने नेटफ्लिक्सच्या टुडम इव्हेंटमध्ये भाग घेतला होता. यावेळी तिने तिच्या हॉलीवूड पदार्पणाचा चित्रपट हार्ट ऑफ स्टोनच्या ट्रेलरचे अनावरण केले. या चित्रपटात आलियाची हॉलिवूड अभिनेत्री गॅल गॅडोटसोबत भूमिका आहे. आलिया सध्या रॉकी और रानी की प्रेम कहानी या चित्रपटात रणवीर सिंगसोबत काम करत आहे. करण जोहर दिग्दर्शित या चित्रपटात धर्मेंद्र, शबाना आझमी आणि जया बच्चन यांच्याही महत्त्वाच्या भूमिका आहेत.