फोटोशूटच्या वादामुळे न डगमगता रणवीर सिंग पाहतोय हॉलिवूडचे स्वप्नं

रणवीर सिंगच्या न्यूड फोटोशूटने वादळ निर्माण झाले असले तरी त्याच्या प्रगतीचे नवे मार्ग त्याला खुणावत आहेत. लवकरत तो एका प्रसिद्ध हॉलिवूड स्टारसोबत काम करण्याच्या विचारात आहे. सूत्राने दिलेल्या माहितीनुसार रणवीरला या अभिनेत्यासोबत मोठ्या प्रमाणावर अॅक्शन-अ‍ॅडव्हेंचर मिनी-सिरीजची ऑफर देण्यात आली आहे.

मुंबई - अभिनेता रणवीर सिंग ( Ranveer Singh ) एका प्रसिद्ध हॉलिवूड स्टारसोबत काम करण्याच्या विचारात आहे. सूत्राने दिलेल्या माहितीनुसार रणवीरला या अभिनेत्यासोबत मोठ्या प्रमाणावर अॅक्शन-अ‍ॅडव्हेंचर मिनी-सिरीजची ( action-adventure mini-series ) ऑफर देण्यात आली आहे.

रणवीर सिंगची प्रगती झपाट्याने होत असून तो एका मोठ्या-बजेट अॅक्शन-अ‍ॅडव्हेंचर मिनी-सिरीजवर साईन करेल. या शोमध्ये हॉलिवूडचा एक प्रख्यात अॅक्शन सुपरस्टार देखील असेल, असे अहवाल सूचित करतात. रणवीरने त्यांच्या अभूतपूर्व कामगिरीने पाश्चिमात्य देशांत गेल्या काही वर्षांमध्ये निर्माण केलेले आवाहन आणि संपर्क यामुळे त्याची ही प्रगती होत आहे.

रणवीर सिंगने आपले काम आणि तो आपले जीवन कसे जगतो याद्वारे भारतातील आणि भारतीयांमध्ये पॉप संस्कृतीत खूप योगदान दिले आहे. त्यामुळे पाश्चात्य मनोरंजन उद्योग हॉलीवूडमधील अॅक्शन सुपरस्टार त्याच्यासोबत एक मोठा प्रोजेक्ट करण्याचा प्रयत्न करत आहे हे आश्चर्यकारक नाही.

हा प्रोजेक्ट लवकरच शूटिंग फ्लोअरवर जाईल. रणवीर सध्या रोहित शेट्टीच्या सर्कस, करण जोहरचा रॉकी और रानी की प्रेम कहानी आणि साऊथ डायरेक्टर एस. शंकरच्या कल्ट क्लासिक अनियान या चित्रपटात काम करीत आहे.

रणवीर सिंगच्या आणखी काही चित्रपटांची घोषणा लवकरच होणार आहे ज्यासाठी शूटिंगच्या तारखा शीर्ष चित्रपट निर्मात्यांना पूर्व-किटमेंट केल्या गेल्या आहेत. त्यामुळे हे काम करण्यासाठी त्याचे वेळापत्रक आखने महत्त्वाचे ठरणार आहे.

दरम्यान, रणवीर एका मासिकासाठी केलेल्या न्यूड फोटोशूटमुळे चर्चेत आहे. काहीजण त्याच्या लूकसह त्याच्या धाडसी प्रयोगासाठी अभिनेत्याचे कौतुक करत आहेत, तर काही जणांनी त्याला ट्रोल केले आहे. रणवीरने गेल्या आठवड्यात इंस्टाग्रामवर त्याचे न्यूड फोटो पोस्ट केले होते आणि तेव्हापासून तो शहरात चर्चेत आहे.

हेही वाचा -प्रियंका आणि निक जोनास देणारा सरोगसीद्वारे दुसऱ्या मुलाला जन्म